It(em) de voirscr(even) henrick va(n) gulke en(de) zijn wijf hebbe(n)/ geloeft ind(ivisim) arnde vand(en) berct dat zij de(n) selve(n) tot/ zijnder manissen voir hof en(de) he(re) d(air)men die af houden(de) is/ behoirlijck veroblige(re)n selen ende in hande(n) stelle(n) de voirs(creven)/ goede en(de) alle ande(re) die zij te(n) voirs(creven) plaetse(n) oft d(air)/ omtrint liggen(de) hebbe(n) alsoe wel den lange(n)berch als/ dande(r) voir alsulke(n) geluefte(n) va(n) waerscape en(de) genoech/ doene alse de selve gehuyssche(n) tsame(n) oft bezund(ert) bij
//
hen selve(n) oft met eenige(n) ande(re)n p(er)sone(n) onlanx leden de(n)/ selve(n) arnde gedaen hebben vanden erfgoede(n) te byncke(m) en(de)/ taetrode gelege(n) die de selve arndt onlanx lede(n) tege(n)/ hen en(de) hue(r) medepleg(er)s gecocht en(de) gecrege(n) heeft d(air)/ hij oic inne gegoet es en(de) om de gebreke(n) die hij d(air)aen/ bevi(n)den mochte bij wien dat wa(r)e d(air)aen te v(er)hale(n) eisd(em)