It(em) de voirs(creven) jacop heeft om der voirs(creven) guedingen wille den voirs(creven)/ gorde gedaen behoirlijc op zijnen eedt ten heilige(n) genomen/ dat de voirs(creven) goede bij hem ten hoochsten met kercgeboden/ vercocht zijn en(de) alles niet meer gegouwen bove(n) den voirs(creven)/ genoemden co(m)mer dan xv(½) pet(er)s iii(½) pet(er)s van hoegen algader/ te xviii stuv(er)s tstuc en(de) xxxii stuvers van wijne comt tsamen/ op xx(½) pet(er)s ten prise als voe(r) ende vijf stuv(er)s Heeft voirt/ gecleert alsoet oic blijct bij den scepen(en) brieve(n) dair uut tvoirs(creven)/ beleit gespruyt is dat jan stopgat jan wilen nijs woenende/ inde bo[r]chstrate beyde barbieren en(de) pet(er) bode geheten stoppere/ hem sculdich waren eene(n) rijdre te xxv stuv(er)s lijfpensien te live(n)/ des voirs(creven) jacops en(de) jouffr(ouwe) katlijne(n) madea zijns wijfs vallen(de)/ xxiiii dage in m(er)te val(ens) xiiii peters min ii stuv(er)s Ite(m) den pacht/ van vier jaren en(de) van xxiiii in m(er)te lestleden herwerts gereke(n)t/ voir tderdel vanden jare geslagen te pet(er)s inder weerden voirscr(even)/ val(ens) sesse peters It(em) vanden cost vanden beleyde xxvi(½) stuv(er)s/ It(em) marck crauwels de(n) vorstere om aerde moens zijn wijff/ ende peter stoppere hande te doen lichten vanden goeden oft te rechte/ te comen and(er)halve(n) stuve(r)/ It(em) den voirspreke van twee dagen want te(n) yerste(n) dage tot den/ vonnisse niet en quam iiii stuv(er)s It(em) vanden vonnisse te doen tekene(n)/ iiii stuvers It(em) vander p(ro)curacie(n) dair mede de voirs(creven) jaq(ue)maer/ machtich maecte gielijs hanckart ende willem(me) van lele dese/ sake te volgen iiii(½) st(uvers) It(em) op de sitdage v(er)teert den p(ro)cur(eur) die de/ sake v(er)volcht heeft ende de goede vercocht en(de) den clerc die/ de gescriften en(de) cedullen gemaect heeft tsamen xliii st(uvers) It(em) de(n)/ p(ro)chiaene(n) van sinte pet(er)s en(de) vander biest gegeve(n) om tvercope(n)/ te cundige(n) i(½) stuv(er) It(em) vander he(re)n recht vander guedinge(n) xxviii/ stuv(er)s It(em) van pontgelde ix stuv(er)s so(mma) va(n) des jaq(ue)marde/ comt metten costen d(air) op geloepen xxvi(½) pet(er)s inder weerden/ voirs(creven) ende drie stuv(er)s Hier tegen is den voirs(creven) wijngart/ vercocht xv(½) peters drie ende eene(n) halve(n) pet(er)s van hoegene/ ende xxxii stuv(er)s van wijne comt tsamen op xx(½) pet(er)s v stuv(er)s/ Ende aldus afgeslagen de voirs(creven) xx(½) pet(er)s ende vijf stuvers/ blijft men den voirs(creven) jaq(ue)mar alnoch sculdich ende tachtere sesse/ peters myn twee stuv(er)s