SAL7369, Act: R°26.1 (52 of 721)
Search Act
previous | next
Act R°26.1  
Act
Date: 1475-07-26

Transcription

2017-11-25 by Karel Embrechts
Alsoe voe(r) den rade vander stat vast alrehande questien gherese(n)/
zijn tusschen de mo(m)boren vande(n) groote(n) gasthuyse en(de) hue(re)n clerck/
en(de) rintmeest(er) te des(er) tijt arnde m(er)celijs t(er) eender zijden ende janne/
mailh(er)be die voe(r) den voirscr(even) arnde den voirs(creven) dienst eene(n) seke(re)n/
tijt gedrage(n) heeft t(er) ande(re) aengaen(de) der rekeni(n)gen die de selve jan/
van zijne(n) tijde en(de) bewinde de(n) voirs(creven) mo(m)boren hadde ov(er)gegeve(n)/
en(de) den wed(er)leggen(en) dat de selve mo(m)bore(n) d(air)op hadde(n) gedae(n) beyde/
bij monde en(de) gescrifte Naemelijck d(air) onder ande(r) pointen de voirs(creven)/
jan sustineerde en(de) v(er)socht datme(n) hem zijn rest zijnd(er) rekeni(n)g(en) opleyde/
en(de) dairaf genoech dade om zijn scult d(air)mede voirt zijne(n) creditue(re)n/
te betale(n) houden(de) dat dat alsoe behoirde ende de voirs(creven) mo(m)boren met/
hue(re)n diene(r) nu gemeynt hebbe(n) de (contra)rie zunderlinge datme(n) hem va(n)/
gheene(n) reste genoech doen en soude al wairt datme(n) and(er)s allesins/
va(n) alle(n) pointe(n) wae(re) ov(er)come(n) hij en soude gehoude(n) zijn yerst en(de) voe(r)/
al zijn faute(n) inne te hale(n) oft e(m)mer die selve voe(r) zijn rest sulck/
als dat zijn soude te aenveerde(n) H(ier)op w(er)t ov(er)drage(n) bijden volle(n)/
rade vander stat p(ar)tien al int langhe gehoirt en(de) den selve(n) te/
hue(re)r p(rese)ntien uuytgesproke(n) voe(r) reden(en) en(de) recht gem(er)ct en(de) voire/
oge(n) geleecht dae(n)neme(n) des voirs(creven) jans mailh(er)be ende zund(er)linge/
dat de faulte(n) inneghaelt moete(n) zijn soeme(n) yerst can oft and(er)s/
wae(r) d(air)af den gasthuyse gescape(n) groote scade te geligge(n)/
dat de selve jan gehoude(n) zijn soude de faulte zoe v(er)re die/
bij zijne(n) tijde ware(n) gevalle(n) want hij volle wedde(n) va(n) zijne(n)/
tijde hadde ge(re)kent inne te hale(n) met rechte te volge(n) en(de) die/
in betalinge(n) va(n) zijne(n) reste sulc alse wese(n) sal te neme(n)/
Bij alsoe oft yema(n)t vande(n) creditue(re)n he(m) met rechte woude/
oppone(re)n dat dan de voirs(creven) jan de(n) mo(m)bore(n) aensien sal oft zijt/
met rechte wille(n) hebbe(n) gevolcht ende als hij dat doet bij/
hue(re)n avise soe en sal hij in dien va(n) gheene(n) cost gelast zij(n)/
allen ande(re)n pointe(n) en(de) questien d(er) voirs(creven) rekeni(n)g(en) aengaen(de)/
op huer beloep va(n) rechte bliven(de) in pleno (con)s(ilio) julii xxvi
ContributorsKristiaan Magnus
Moderated byKristiaan Magnus
Last update: 2016-08-31 by Xavier Delacourt