It(em) henric mylet geheete(n) pryoerken sone jans mylet in p(rese)ncia/ heeft genome(n) ende bekint dat hij genome(n) heeft van he(re)n philipse/ van scoenhove(n) hee(r) tot waenrode ridde(r) en(de) tot nurode ridde(r) alle/ die wynnende lande die tot den hove van weterbeke opte(n) dach/ van heden behoe(re)nde sijn Te houden te hebben te wynnen ende te/ bouwen wel en(de) loflic alsoe een goet wynne sculdich es te wynne(n)/ van halfmerte naistcomen(de) en(de) die alsdan metten selve(n) hove en(de) de
//
woeni(n)gen taenveerde(n) [en(de) te houde(n)] ter helicht wy(n)ninge(n) eene(n) t(er)mijn van/ xii jae(re)n lang v(er)volgen(de) en(de) egheen land ledich te laten ligge(n)/ elcs [jairs] dae(re)nbinne(n) om en(de) voe(r) deen helicht van alle(n) den vruchte(n)/ dair op jairlix wassende Met vorweerde(n) en(de) (con)dicien dat de/ voirs(creven) h(er) ph(ilip)s alle jae(re) sal mote(n) coepen viventwintich/ mandele(n) stroes dair af sal die voirs(creven) wynne betale(n) dat/ derden deel en(de) sal die mote(n) hale(n) op sijne(n) cost op die mijle/ omgaens den hove en(de) bringhent int vors(creven) hof om aldair/ mest d(air) af te maken en(de) op tvors(creven) land te vue(re)n dairs meest/ te doen sijn sal It(em) allet stroe vand(en) vors(creven) goede(n) comen(de)/ sal de vors(creven) wynne mote(n) int hof bringe(n) om dat aldair/ geslete(n) en(de) te meste bekert te wordde(n) en(de) dat opde vors(creven)/ lande te vue(re)n alsoe wel ten veerste(n) alse te(n) naiste(n) ten/ meeste(n) p(ro)fite It(em) en sal de wynne gheen stroe uute oft/ mest uute(n) hove moig(en) vue(re)n anders dan op des vors(creven)/ he(re)n ph(ilip)s lande It(em) en sal die wynne gheen schapen/ moige(n) houwen dan die sijn zijn It(em) alse die wynne/ heeft doen picken oft maeyen wynt(er) oft somercore(n) dan/ moet hij dat goetstijts den vors(creven) he(re)n ph(ilips)e(n) late(n) wete(n) en(de)/ dan moet de selve h(er) ph(ilip)s dair eene(n) goede(n) man sinde(n)/ die tege(n) den selve(n) wynne deylen sal op tvelt alsoet/ behoort mair die man moet hulpe(n) binde(n) ende die wynne/ moet he(m) den montcost geve(n) en(de) een bedde decke(n) en(de) sijns/ heerscaps coren voe(r) inde schue(r) vue(re)n en(de) doen tassen It(em)/ soe wa(n)neer h(er) ph(ilip)s sijn core(n) doet dorssce(n) dan sal die wy(n)ne/ de(n) dorsscher de(n) montcost geve(n) en(de) een bedde decke(n) dair voe(r)/ sal he(m) mijn he(r) jairlix geve(n) sesse halst(er) rogs It(em) sal h(er) ph(ilip)s/ moge(n) doen dorssce(n) talle(n) tide(n) alst hem gelieft als sinte m(er)rtens
//
dach leden es ende niet eer Item die wynne moet de(n) vors(creven) he(re)n ph(ilips)e(n)/ eene(n) solde(r) leve(re)n om sijn coren op te leggen dat hijt sluyte(n) mach soet/ hem gelieft It(em) de vors(creven) wynne sal mijns he(re)n coren hoedanich dat/ es te loeven(en) leve(re)n dairt den selve(n) he(re)n ph(ilips)e(n) gelieve(n) sal It(em) sal de/ vors(creven) wynne op sijne(n) cost mote(n) halen alle den leem walm ende/ latten diemen aen die huyse(n) die dair nu staen orbe(re)n sal alst te/ doen sijn sal It(em) alsmen dair dect oft plect aen die huyse(n) die daer/ nu staen moet die wynne den cost gheve(n) en(de) die heerscap die dachue(re)n/ It(em) die wynne sal moige(n) sijn ber hout houwe(n) alst houbair es in die/ beemde(n) ende aen dat land sonder eenich hout te halen aen die schaer/ bossche(n) oft aen die vorlen It(em) oft aen die grechte(n) vand(en) bosschen/ It(em) die wynne sal moge(n) met (con)sente vand(en) heerschape affhouwen/ verdoorde appelboeme(n) oft peerboome(n) ende voir elke(n) setten twee/ poote(n) van appelboeme(n) oft peerboome(n) Ende die wynne en sal/ gheen recht hebben int opgaende hout staen(de) op tvors(creven) goet It(em)/ sal die voirs(creven) wynne alle de huyse en(de) gestijpte(n) vand(en) voirscr(even)/ goede(n) houde(n) zijne(n) t(er)mijn due(re)nde wel en(de) loflic op sijne(n) cost [vand(er) underst(er) rijkelen nederweert] It(em) sal/ die vors(creven) wynne moigen houden voir hem uut allen desen voirs(creven)/ landen een dach(mael) lants niet vanden beste(n) oft oic vand(en) archsten/ om dair op te saeyen dat hem gelieve(n) sal sonder den heerschape/ yet d(air) af te deylen It(em) selen de vors(creven) h(er) ph(ilip)s ende de wynne van/ malcande(re)n moige(n) scheide(n) op dat hen geliefde ten sesse jae(re)n bij/ alsoe dat die gheene van hen die alsoe scheide(n) sal wille(n) dat de(n)/ ande(re)n een jair te voe(re)n cu(n)dige(n) sal ende soe wa(n)neer sij sceide(n)/ sele(n) soe sal die wynne mote(n) besaeyt late(n) dat hij besaeyt vinden/ sal met wynt(er)coirne omtri(n)t drie boende(re)n ende een half ende omtri(n)t/ vier boende(re)n stortte(n) eens o(m)me geackert en(de) die brake eens o(m)me/ geackert ende des wynne(n) tijt sal altijt uutgaen te halfmerte It(em)/ es vorweerde als die wynne oft zijn meest(er) scheide(n) willen soe voe(r)
//
geseecht es soe sal thers theerscap [de] tvors(creven) lande selve moige(n)/ doen saeyen ende die wynne sal mote(n) den saet leveren/ It(em) en sal die vors(creven) wynne gheen horen vee moige(n) late(n)/ gaen op die spruyte(n) oft op die schaerbossche(n) mair sijn p(er)den/ moge(n) dair op wel gaen als die spruyte(n) oudt sijn twee/ jair ende scapen als die spruyte(n) oudt sijn drie jair ende/ niet eer noch and(er)s It(em) sal die vors(creven) wynne mote(n) houde(n)/ die bosgrechte(n) wael bevreedt alse dat heerscap eens opheeft/ op heeft doen heffen Item sal die voirs(creven) wynne moten houden/ op sijne(n) cost alle die ryolen en(de) waterloepen ende veghen/ die men sculdich es te houde(n) dat dair theerscap gheen schade/ bij en hebbe Item noch es vorweerden dat h(er) philips den vors(creven)/ wynne sal moten afslaen ten yerste(n) jae(r) eene(n) rinsche guld(en)/ van xx stuv(er)s voer sijne(n) tabbairt alsoe verre alsen die wynne/ doet maken te goede(n) tide ender anders nyet van des selfs/ he(re)n philips levereyen It(em) soe wanneer her philips aldair/ doet dorsschen soe en sal die wynne gheen recht hebben dan/ in caff ende stroe It(em) sal de vors(creven) h(er) philips alle jae(re) een/ cuyle mergels coepe(n) ende dien sal die wynne halen op/ zijne(n) cost en(de) vue(re)n die opt vors(creven) land dairs meest behoeft/ It(em) tot desen heeft die vors(creven) wynne gehuert en(de) bekint dat/ hij gehuert heeft den vors(creven) t(er)mijn lanc due(re)nde alle die/ beemde(n) eeussele(n) ende bogarde(n) mette(n) fruyte dat de(n) hove/ van weterbeke toebehoort elx jairs dae(re)nbinne(n) om ende/ voe(r) thien rijders te xxvi stuv(er)s tstuc te betale(n) jairlijcx/ imbegrepe(n) te meye dair af den yerste(n) valle(n) sal te/ meye a(n)no seve(n)entseventich ende alsoe voirtane v(er)volgen(de)/ Ende alle dese vorweerde(n) (con)dicie(n) en(de) gelufte(n) vors(creven)/ Inde su(n)t fideiuss(ores) d(i)c(t)i coloni t(am)q(uam) debit(ores) p(ri)ncipal(es) indivis(im)/ d(i)c(t)us joh(ann)es mylet pater eiusd(em) coloni (com)mor(ans) apud bierbeke
//
et ludovic(us) scroote (com)morans apud corbeke overloe ex p(ri)m[(us)] hebbe(n)/ voort gelooft oft eenich vand(en) borge(n) storve dat zij dan eene(n) alsoe/ goeden in die stat sette(n) sele(n) dair de vors(creven) h(er) philips mede te/ vrede(n) zij die de selve gelufte geloven sal altijt te voldoene waert/ dat dair gebrec aen wae(re) cor(am) couc et p(rim)[(us)] cor(am) couck(eroul) reth(eman)/ no(vem)[br(is)] vi