Cont zij allen lieden dat jan van hecxs sone wijlen jans van hexcs/ van outgarden is comen in tegewoirdich(eit) van scepen(en) van loven(en) ende heeft/ genomen en(de) bekint dat hij genome(n) heeft van janne blanckart p(ro)cur(eur) des/ eerweerdigen vaders in gode he(re)n zeghers claes abt des goidshuys van/ heyleshe(m) inden name en(de) van weghen des selfs goidsh(uys) thoff van cleyn/ cappendale te wete(n) tgeleghe dat wijlen was henrix van cappendale/ metten waermoeshove en(de) bogarde dwelc al thiende vry es ende/ met allen den wynnen(de) landen en(de) beemde(n) gelijc die hier voirmaels/ jan sluysmans vand(en) selve(n) godshuise in pechtinge(n) gehoude(n) heeft/ Al tsamen te houden te hebben(e) en(de) te wynnen(e) van halfmerte naest/ comen(de) eene(n) t(er)mijn van xii jae(re)n lang due(re)nde deen nae dander sond(er)/ middel volgen(de) elx jairs dae(re)nbinne(n) om en(de) voe(r) vivenvijftich mudde(n)/ goets corens thiensch(er) mate(n) te wete(n) sesse halst(er) thiensch voir elck/ mudde gerekent ende alsulc coren als opde vors(creven) goede jairlix wassen/ sal goet en(de) payabel met wanne en(de) met vede(re)n wel bereit alle/ jae(re) te sint andriesmisse apostels te betalen(e) en(de) inde h(er)berge des vors(creven)/ godshuys te thiene(n) op last en(de) cost des vors(creven) wynne(n) te leve(re)n mijne(n)/ hee(r) den abt vand(en) vors(creven) godshuise he(re)n gielise van heddenis ende/ joh(ann)ese straetmans clerc des selfs he(re)n abts oft den eene(n) van hen/ bringe(r) des briefs gewarige p(ro)cu(ra)cie bij hem hebben(de) den vors(creven) t(er)mijn/ due(re)nde en(de) telke(n) t(er)mijne als v(er)volghde schout Ende oic alle jae(re)
//
den vors(creven) t(er)mijn due(re)nde om vivenvijftich goeder rinscher gul(den) twintich/ stuv(er)s voer elke(n) guld(en) gerekent te weten(e) sevenentwintich rinsch(er) g(ulden)/ d(air) af te sintjansmisse en(de) achtentwintich rinssch(er) gul(den) te kersmisse dair/ naest volgen(de) jairlix den vors(creven) hee(r) abt binne(n) de(n) vors(creven) godshuise/ te betale(n) quol(ibet) ass(ecutu)[m] It(em) heeft die vors(creven) wynne noch genomen/ den bogart die wijlen was stevens van cappendale den vors(creven) t(er)mijn/ due(re)nde alle jae(re) om sesse gul(den) te wete(n) thien stuv(er)s voir elke(n) gul(den)/ gerekent te betalen jairlix te sinte remeysmisse den vors(creven) he(re)n abt/ en(de) binne(n) den vors(creven) godshuise te leve(re)n It(em) es vorweerde en(de) (con)dicie/ h(ier) inne ondersproken dat de vors(creven) wynne sal sculdich sijn te betalen alle/ alsulken beden als inden landen van namen op dese goede gesedt/ sullen wordde(n) alsoe dat mijn hee(r) d(air) af egheen schade en hebbe in/ afcortinge(n) der principaeld(er) schout Item es noch vorweerde ende/ condicie dat de vors(creven) wynne den vors(creven) t(er)mijn due(re)nde alle jae(re) mijne(n)/ hee(r) den abt tot sijne(n) versueke doen sal een corweyde van eene(n) daige/ dairt hem best gelieve(n) sal It(em) es noch vorweerde dat de voirscr(even)/ wynne alle jae(re) dat stroe dat vand(en) lande(n) des vors(creven) hoofs jairlix/ comen sal vue(re)n sal en(de) bringe(n) int vors(creven) hof ende te meste make(n)/ en(de) dat mest vue(re)n opt vors(creven) lant ten meeste(n) orboe(r) en(de) p(ro)fite des selfs/ met des(er) (con)dicien ondersproke(n) dat de selve wynne sculdich sal sijn/ alle de lande den vors(creven) hove van cleyn cappendale toebehoe(re)nde binne(n)/ den vors(creven) t(er)mijne wel en(de) loflic eens te meste(n) te(n) mynste(n) ende/ oic eens oft tweewerve(n) wel en(de) loflic te overmergele(n) e(m)mers/ te(n) mynste(n) elcx jairs den vors(creven) t(er)mijn due(re)nde vier boender/ vand(en) vors(creven) lande(n) It(em) sal de wynne alle de huisinge vanden/ vors(creven) hove den vors(creven) t(er)mijn due(re)nde wel en(de) loflic houde(n) van/ wande(n) van vorste(n) ende van daken op sijne(n) cost en(de) last en(de) die/ in sijne(n) afsceiden(en) alsoe late(n) wel en(de) loflic gedect geplect en(de)/ gevorst Item sal de vors(creven) wynne noch leve(re)n en(de) doen verdecken/ alle jae(re) den vors(creven) t(er)mijn due(re)nde op sijne(n) cost achthond(er)t goeder
//
getuycheliker walme(re)n in nuwe(n) dake opde huysinge vand(en) vorscr(even)/ hove dair des alre meest te doen sal wesen mair mijn hee(r) de/ abt sal de dachue(re)n betalen en(de) die wynne sal den montcost geven/ Item sal de selve wynne mogen doen truncken ten behoirliken tide/ alle die truncboeme aende goede vand(en) vors(creven) hove staen(de) en(de) dair mede/ alle die goede wel en(de) loflic doen luycken ende bevreeden en(de) die te sijne(n)/ afsceiden(en) wel en(de) loflic gegricht ende bevreedt laten Item sal die vors(creven)/ wynne alle jae(re) den vors(creven) t(er)mijn due(re)nde op sijne(n) cost setten en(de) doen/ plante(n) ten behoirlike(n) tide vijftich goeder getuycheliker poete(n) opde voirs(creven)/ goede ende die wel en(de) getrouwelic doen verdornen en(de) bewae(re)n ende/ hij en sal egheen opgaen(de) hout moige(n) doen hoofden in egheend(er) manie(re)n/ mair wairt tsake dat dair eenighe boome verdroechde(n) op oft aende/ goede vand(en) vors(creven) hove staen(de) die sal de vors(creven) wynne moige(n) doen afhouwen/ ende dair voe(r) moeten setten ende plante(n) ten behoirlike(n) tide voir elken/ verdroeghden twee ande(r) goede poote(n) van geliken arde en(de) die op/ sijne(n) cost wel doen verdorne(n) en(de) beware(n) It(em) sal de vors(creven) wynne alle/al jae(re) den vors(creven) t(er)mijn due(re)nde opden jairsdach mijns he(re)n huysgesinne/ geve(n) eenen halven guld(en) clinckart sonder afcortte(n) der vors(creven) p(ri)ncipaeld(er)/ schout Item sal de vors(creven) wynne sculdich zijn alle die weghe om/ die vors(creven) goede liggen(de) ende oic alle die voerhoofde(n) wel te doen/ maken en(de) op te grichten(e) alle jae(re) den vors(creven) t(er)mijn due(re)nde alsoe dat/ zij metten rechte niet beleid en derven wordde(n) dwelc oft gesciedde/ wesen soude op last cost en(de) co(m)mer des vors(creven) wynne(n) Item sal die/ selve wynne(n) die vors(creven) lande den vors(creven) hove toebehoiren(de) alle jae(re) den/ vors(creven) t(er)mijn due(re)nde wel en(de) loflic doen ack(ere)n eechden en(de) besaeyen/ It(em) sal die vors(creven) wynne te(n) leste(n) jae(re) van sijne(n) t(er)mijne de brake late(n)/ eens o(m)meg geackert en(de) die stortte oic eens o(m)me gedaen uutgenomen/ van drie boende(re)n It(em) sal die vors(creven) wynne laten gemest wel ende/ loflic in sijne(n) afscheiden(en) sesse boender wynnens lants om crocken ende
//
erwete(n) dair op te saeyen(e) ende oic alle dat mest dwelc voer/ ons(er) vrouwen liechtmisse gemaict sal wesen sal hij sculdich/ sijn uut te vue(re)ne op die lande des vors(creven) hoofs It(em) sal die/ selve wynne laten in sijne(n) afsceiden(en) dat wint(er)coren wel ende/ loflic gewonne(n) ende geworve(n) op vier goede getidege voren/ wel besaeyt dair af dat dien art houden(de) is neghentien/ boender ende een dach(mael) luttel min oft meer elc boend(er) gescadt/ den selven wynne in sijne(n) aencomen(en) op thien mudde(n) corens/ thienscher mate(n) Ende eest dat sake dat argher is getaxeert/ ende bevonden wordt in sijne(n) afsceiden(en) des vors(creven) t(er)mijns dat/ sal die vors(creven) wynne mijne(n) hee(r) oprichte(n) Eest oic dat/ beter getaxeert ende bevonden sal wesen in sijne(n) afscheiden(en)/ dat sal die selve hee(r) abt den selven wynne mote(n) oprichte(n)/ ende vergelden ende dese scattinge sal oic gescien veerthien/ nacht nae sint jansmisse bap(tis)[te(n)] nae dat afscheiden des voirs(creven)/ t(er)mijns It(em) en sal die vors(creven) wynne egheen vand(en) vors(creven) lande(n)/ moge(n) doen hoervruchte(n) binne(n) sijne(n) vors(creven) tide het en wae(re) bij/(con)sente en(de) wille mijns he(re)n sabts vors(creven) Item es oic vorweerde/ dat de vors(creven) wynne niet en sal late(n) drive(n) eenichsins binnen/ den vors(creven) t(er)mijne e(n)nige schape coyen vercken(en) noch ande(r) beeste(n)/ op egheen van mijns he(re)n sabts bosschen noch egheen schade dair/ mede doen noch laten gescien met gesinne noch met beesten It(em)/ en sal die selve wynne egheen stroe noch walm moge(n) vercoepe(n)/ noch oic uutvue(re)n buyte(n) den vors(creven) hove It(em) sal die vorscr(even)/ wynne houde(n) van mijne(n) hee(r) den abt op dat hem gelieft een/ cudde schapen te vuede(re)n van hondertich te weten veertich/ ouden dertich hamelen ende dertich la(m)me(re)n te twee jae(re)n te/ deylen(e) op datse mijn hee(r) hem te vuede(re)n wilt geve(n) ende alsdan/ soe sal hij die wel en(de) loflic doen herden ende vueden Ende en
//
woude mijn hee(r) hem egheen schape te vuede(re)n gheven soe soude/ hijse mogen geven houden van hem selve(n) oft van yemande/ anders wien hij woude mair es te weten dat hij tvors(creven) hoff/ niet en sal moge(n) late(n) sonder schape dair inne te houden(e) Item es/ den vors(creven) wynne geleent in sijne(n) aencomen(en) tgheene des hier/ na volcht dwelc hij gelooft heeft tot sijne(n) leste(n) jae(r) ende/ afsceiden(en) wel te betalen(e) ende dair af geheelic te voldoene Inde(n)/ ierste(n) soe es hem geleend in sijne(n) aencomen(en) die schattinge vand(en)/ vors(creven) coirne gelijc die bove(n) geclaert is Item hem zijn noch/ geleent vijftich goeder rinsche guld(en) goet van goude ende/ swaer van gewichte Item noch thien mudde(n) goets corens thiensch(er)/ maten It(em) noch dertich hoeps crocken eenen schoef myn ongedorsschen/ It(em) noch sesthien hoope erwiten ongedorsschen eenen schoef myn Item/ alle dese voirg(eruerde) vorweerden geloften en(de) (con)dicien heeft gelooft die vors(creven)/ wynne den voirs(creven) gielise van heddengnes inden name en(de) tot behoeff/ des voirs(creven) he(re)n sabts en(de) tsgoidshuys van heyleshe(m) vast ende gestadich/ te houde(n) ende te voldoene tallen tiden en(de) t(er)mijne(n) alse zij vallen ende/ verschijnen selen ende telken t(er)mijne als vervolghde schout Hier af/ zijn borghen des voirs(creven) wynnen als p(ri)ncipael sculde(re)n ongesundert/ en(de) onverscheide(n) en(de) elc voir al goessuin van hecx brueder des vors(creven)/ wynnen jan swylden van bost swagher des vors(creven) wynnen ende/ machiel luyten van outgarde(n) quosquid(em) fideiuss(ores) ipse colonus exinde/ p(ro)misit relevare indemp(nes) cor(am) couck(eroul) reth(eman) decembr(is) vi[ta]