It(em) everart gilbar van linsmeal in p(rese)ncia heeft genome(n) en(de)/ bekint dat hij genomen heeft van henri malcorps thof des/ selfs henrix geheete(n) stockoit gelegen tyncourt met huysen hove(n)/ stallen schue(re)n bogarden wynnen(de) landen en(de) ande(re)n toebehoorten/ Te houden te hebben en(de) te wynne(n) vanden daige van heden eenen/ t(er)mijn van xii jae(re)n lang deen nae dande(r) staphants sonder/ middel vervolgen(de) elx jairs dae(re)nbinne(n) om ende voe(r) elc/ boender dair af vanden vors(creven) huysen hoven bog(ar)den beemden wy(n)nen(de)/ landen om ende voe(r) neghen halster corens der mate(n) van yncourt/ cu(m) vanno Bij alsoe de voirs(creven) wynne de voirs(creven) goede wilt doen/ mete(n) dwelc hij te sijne(n) coste sal doen doen ende oft hij vanden/ selven te vreden es ende die niet en wilt doen mete(n) sal hij elx/ jairs den voirs(creven) t(er)mijn due(re)nde dair voe(r) geve(n) en(de) betalen den/ voirs(creven) henricke xxx mudde(n) en(de) drie halste(re)n corens goet en(de)/ payabel cu(m) vanno der mate(n) voirs(creven) alle jae(re) s(in)[t] andriesmisse/ apostels te betalen en(de) tyncourt te leve(re)n Behalve(n) vijfthien/ mudde(n) corens die die vors(creven) wynne den vors(creven) henr(icke) sal mote(n)/ leve(re)n te loeven(en) te thiene(n) oft te gembloers dairt de(n) vorscr(even)/ henr(icke) gelieve(n) sal mair des sal de selve henr(ick) alsdan den/ vors(creven) wynne den montcost geve(n) den p(er)den hoy en(de) telker vracht/ voer de p(er)den een halst(er) have(re)n It(em) es vorweerde dat de vors(creven)/ wynne den vors(creven) henr(icke) jairlix sal mote(n) leve(re)n vijf mudde(n) tarwe(n)/ voer vijf mudden rocx in afslage vand(en) vors(creven) coirne Ite(m) es/ vorweerde dat de vors(creven) wynne de weye vand(en) bosschen vand(en)/ voirs(creven) hove des voirs(creven) henrix hebben sal tsijne(n) p(ro)fite mair hij/ en sal de p(er)den voir dat de spruyte(n) twee jair oud zijn noch/ die coeyen voir dat die spruyte(n) drie jair out sijn op de/ bosschen niet late(n) gaen Item sal de vors(creven) wynne de lande/ vanden vors(creven) hove houden wynnen werve(n) en(de) meste(n) wel/ en(de) loflic gelijc reengenote(n) bove(n) ende benede(n) Item is vorweerde
//
dat de voirs(creven) wynne allet stroe dat vanden voirs(creven) goeden/ comen sal sal etten met sijne(n) beeste(n) en(de) dat te meste/ beke(re)n en(de) dat vue(re)n opde selve lande tslants meeste(n) p(ro)fite/ met raide des selfs henrix Item es vorweerde dat de/ voirs(creven) wynne alle de chijse rinte(n) en(de) pachten uute(n) vors(creven)/ goeden gaen(de) alsoe in tijts betalen sal dat henr(ick) dair af/ gheen schade en come in afslage vand(en) voirs(creven) coirne mair/ des sal henr(ick) gehouden zijn den vors(creven) wynne die selve/ chijse rinte(n) en(de) pachte(n) en(de) aen wien men die sculdich is/ in gescrifte over te geve(n) Ende alle dese vorweerde(n) ende/ voorts soe die naerder in eenen cyrograve dat ond(er) de wet/ tyncourt geleecht sal wordde(n) dair af henr(ick) en(de) die wy(n)ne/ elc een oic hebben selen hebben de vors(creven) p(ar)tien malcande(re)n/ gelooft (et)c(etera) Inde su(n)t fideiuss(ores) d(i)c(t)i coloni t(am)q(uam) debit(ores) p(ri)ncipal(es)/ ind(ivisim) will(el)mus everarts filius quond(am) everardi de maresch/ egidius gielbar frat(er) d(i)c(t)i coloni et joh(ann)es gilbar fili(us) daniel(is)/ gilbar (com)mor(antes) omnes apud linsmeal et p(ro)mis(eru)[nt] libertu(m)/ godelet iam absen(tem) vel unu(m) aliu(m) equivalen(tem) in hoc p(ro)stare/ et talem h(abe)re q(uod) ad mo(nicionem) d(i)c(t)i henr(ici) ip(s)e libert(us) veniet cor(am)/ scabinis ayencurien(sibus) vel equivalens cor(am) scabinis lovan(iensibus)/ facien(do) de ista accensa (con)si(mi)lem securitate(m) et o(mn)ia (con)tenta/ in p(re)d(ict)a accensa bene et legalit(er) p(er)fice(re) et adimple(re) in o(mn)i/ mo(do) et for(ma) ut prius Et p(rim)[(us)] cor(am) couck(eroul) reth(eman) febr(uarii)/ xix