Item de voirs(creven) emond ende lodewijc pynnoc gebruede(re)n en(de) jouffr(ouw)/ else van daelhen pynnocx hue(r) sust(er) weduwe willems wijlen/ van daelhem cu(m) tutore op huer hier inne nemende ende/ vervaende alle hue(r) wettige kinde(re) in p(rese)ncia hebben gekind/ ende gelijt den vors(creven) henr(icke) en(de) amelricke pynnoc hue(re)n bruede(re)n/ gevallen sijnde in deylingen thof vanden voirde met huysen/ hoven wynnen(de) landen beemden eeusselen bosschen wate(re)n wouwe(re)n chijsen/ rinte(n) in grayne cap(uyne) en(de) ande(re)n pachten en(de) oic allen ande(re)n hue(re)n toebehorte(n)/ alsoe die voirs(creven) wilen her symoen die inde p(ro)chie van libbeke te houden/ plach de heerlich(eit) en(de) vervalle alleene uutgescheide(n) het zij dat die/ leengoede chijsgoede oft eygen goede sijn Item noch een bosschelken/ geheeten van cockey geleg(en) bij tempelgat inde p(ro)chie va(n) lynden/ ende noch een stuc wijngarts gelegen opden stuypers soe de voirscr(even) her/ symoen die aldair oic te houden plach Op allet recht co(m)mer ende/ last uuten voirs(creven) goeden gaende ten gewoenliken tiden te gelden en(de)/ te betale(n) ende voirtane op eenen vorde(re)n co(m)mer en(de) last van eenen/ dertich rinsche guld(en) seventhien stuvers en(de) een pl(a)c erflic tsestich/ pl(a)c(ken) alsulker mu(n)ten ons princen oft sijnre genaden voirseten als nu/ van hande te hande loepen voer elken guld(en) gerekent jairliker ende/ erffeliker rinten Te weten elken vand(en) voirs(creven) emonde en(de) lodewijken/ ende hue(re)n nacomelinge(n) elf rinsche gul(den) achtien stuvers ende twee/ pl(a)c(ken) der weerden vors(creven) d(air) af alle jae(re) inganx vand(er) oeghstmaent
//
ende der vors(creven) jouffr(ouwe) elsen ende hue(re)n nacomeling(en) acht rinsche/ guld(en) der selver weerden dair af tsint jansmisse baptiste(n) midsomer/ te betalen ende inden wissel te loeven(e) te leve(re)n dierste betalinge/ ingaende sint jansmisse ende inganc oegst beyde naistcomen(de)/ Van welken acht rinsche guld(en) der voirs(creven) jouffr(ouwe) elsen toebehoirende/ oec geruert steet ende mencie gemaict es inden tractaete dat tusscen/ jonch(e)r janne pynnoc hue(re)n neve en(de) huer vier bruede(re)n vors(creven) gesciedde/ xxiiii ja(nuar)[ii] te wete(n) sinte pauwels avonde lestlede(n) Met erfvorweerden/ ende condicien hier inne ondersproken dat de vors(creven) jouffr(ouw) else en(de)/ hue(r) nacomelinge hue(r) voirs(creven) jairlicsce rinte van acht r(insche) guld(en)/ tsjaers sullen trecken jairlix altijt tot eeuwigen daigen ten voirscr(even)/ t(er)mijnen los ende vry ende oic ombelast van eenigen cortsele te/ derven doen van eenig(en) beden schattingen imposicien mesraken oft/ van schaden hoedanich die waren oft bij wien opgesedt oft die/ opde selve rinte van acht rinsche guld(en) oft onderpande der selver/ jairlix oft bij tiden comen oft gesedt mochte(n) wordde(n) yet te gelden/ in e(n)nigher manie(re)n Behoudelijc dat de voirs(creven) henric en(de) amelr(ic)/ gebruede(re)n de vors(creven) rinte aen elken van hue(re)n bruede(re)n ende suster/ voirs(creven) selen moigen quite(n) en(de) lossen alst hen gelieft teenen male/ oft te twee malen mair nyet myn dan deen helicht van elcx gedeelte/ teenen male ende elken pe(n)ninc dair af met achtien geliken pe(n)ning(en)/ inder weerden vors(creven) ende met vollen rinte(n) van dien t(er)mijne dair/ inne die quiti(n)ge gescien sal Oft de selve henr(ic) en(de) amelr(ic) moigen/ oic te hue(re)n coste ov die selve rinte op ande(r) goede loflike pande/ binnen der ba(n)mijlen van loeven(en) geleg(en) den vors(creven) emonde lodewijken/ en(de) jouffr(ouwe) elsen besetten verpanden en(de) bewijsen op welke voirscr(even)/ goede chijsen rinte(n) pachte(n) metten toebehorte(n) alle en(de) yegewelke voirger(uert)/ die vors(creven) emond lodewijc en(de) jouffr(ouw) else overmits den vors(creven) eenendertich/ r(insche) gul(den) xvii stuv(er)s een pl(a)c erflic hen dair [op] naeden onder scheide vors(creven)/ toebehoiren(de) volcomelijc en(de) in behoirliker manie(re)n met wettig(er) renu(n)ciacien
//
vertegen ende gerenu(n)cieert hebben tot behoif der voirscr(even) henrix/ ende amelix P(ro)mitt(entes) satisface(re) quilib(et) eoru(m) de porcione sua quam/ habuit in dict(is) bonis cum p(er)tinen(tiis) cor(am) d(omi)nis et curiis a quibus/ dependent et tenent(ur) et war(andizare) op huer gedeelte(n) van allen alsulken/ co(m)me(re)n als dair opden dach van heden datum van desen uutgaen/ het zij van oude(n) co(m)me(re)n oft die mits testamente [tractaeten] oft deylinge(n) dair op/ totten daige toe van heden gesedt sijn t(er)mi(n)is de(bi)[t(is)] Des hebben/ gelooft de voirs(creven) henric ende amelrijc [die vors(creven) goede] vanden rinten der ef erfmissen/ bijden testamente des voirs(creven) wijlen he(re)n symoens opde selve goede/ gesedt d jairlix in orboe(r) der vors(creven) emonts lodewijcs ende/ joufr(ouwe) elsen ende hue(re)r rinte(n) vors(creven) te ontlaste(n) alsoe dat hen ende/ hue(re)n nacomeling(en) tot eeuwigen daigen vast en(de) seker sal wesen/ Geloven(de) de selve henric en(de) amelijc voort voer hen hue(re)n erve(n)/ en(de) nacomeling(en) den vors(creven) hue(re)n bruede(re)n en(de) suster ende hue(re)n/ nacomeling(en) oft die voirs(creven) onderpande in toecomen(de) tide(n) bevonde(n)/ wordde(n) voer de vors(creven) xxxi r(insche) g(ulden) xvii st(uvers) i pl(a)c erfliker rinte(n)/ mits den voer co(m)e(re)n oft anders niet goetgenoech sijnde nae deser/ stat recht dat sij dan tot hue(re)r manissen aut alt(er)i[(us)] eoru(n)d(em) oft recht/ en(de) actie van hen hebben(de) totten vors(creven) panden noch ande(r) loflike pande/ voer de selve rinte goetgenoech zijnde nae der stat recht wettelijc en(de)/ nae recht verpanden en(de) veroblige(re)n selen alsoe dat hen en(de) hue(re)n/ nacomelingen genoech sal mogen wesen cor(am) couck(eroul) ouderogge januar(ii)/ xxix