It(em) henr(ic) van bleckem s(one) wijlen henrix woenen(de) nu ter tijt toe te holede/ henric van bleckem de jonghe claes reyne(re) en(de) jan van blecke(m) gebruede(re)n sonen/ des vors(creven) henrix des vaders goessen van mollebaix sone reyners van mollebaix/ ende henric snyders sone wijlen wout(er)s snyders swag(ere)n der vors(creven) gebruede(re)n/ hebben geloift indivis(im) den eerweerdigen hee(r) he(re)n seghe(re)n abt des goidshuys/ van heyleshe(m) tot des selfs goidshuys behoef als van al tgene des de selve/ henric de vader die des goidshuys wynne geweest es in hue(r) hof te stocquyt/ den selve(n) goidshuyse alse hij dair uut vertrac bove(n) de gracie die hem/ vand(en) selve(n) p(re)laet gedaen es sculdich en(de) tacht(er) bleef de so(m)me van hondert/ mudde(n) corens goet en(de) payabel der mate(n) van thien(en) wel bereyt ende thien/ mudden corens oic goet en(de) payabel der mate(n) van loeven(en) wael bereyt/ te betalen thien mudden thiensche en(de) een mudde loeven(sch) tussce(n) dit ende/ uutganc merte naistcomen(de) thien mudde thiensche ende een mudde loven(sch)/ tsint andriesmisse apostels dair nae volgen(de) thien mudde(n) thiensche en(de) een/ mudde loeven(sch) tsint andr(iesmisse) apostels d(air) na vervolgen(de) ende alsoe voort/ alle jae(re) sint andriesmisse thien mudde thiensche en(de) een mudde loven(sch)/ d(air) af tot dat al de vors(creven) so(m)me geheelic betailt sal sijn ende te thienen/ alle jae(re) inder herbergen des vors(creven) goidsh(uys) ald(air) te leve(re)n quol(ibet) ass(ecutu)[m] Ende/ de vors(creven) henric snyders die nu te pachte hult seke(r) goede den voirs(creven) henr(icke)/ den vader toebehoiren(de) heeft gelooft allen den ande(re)n gelove(re)n vors(creven) dat/ hij vand(en) payme(n)ten vors(creven) aen tvoirscr(even) goidshuys hen allen ontheffen sal/ jairlix soe lange hij tselve goet sal blive(n) houden(e) ende alse hij die niet/ en hielde heeft gelooft de vors(creven) henric de vader den vors(creven) henr(icke) ende alle/ dande(r) p(er)sone(n) vors(creven) schadeloes te ontheffen Ende hebben de selve henric [de vad(er)] en(de)/ alle dande(r) p(er)sone(n) vors(creven) geconsenteert gewillecoert overgegeve(n) en(de) belieft
//
oft soe gebuerde dat tvoirs(creven) goidsh(uys) van sijne(n) vors(creven) coirne telker tijt/ alst gevallen es niet betaelt en wordde dat hem dan sal moigen/ behulpen met alsulke(n) beleide van scepen(en) brieve(n) van loven(en) alse/ tselve goidsh(uys) uut saken der pechting(en) des vors(creven) henr(ix) des vaders/ dair uut dese tachterheit gesprote(n) es heeft op alle de goede/ des selfs henrix Wairt oic dat yemant hier inne tgoidsh(uys)/ voergaen woude om e(n)nig(er) scult die de vors(creven) henric sculdich/ mocht sijn soe sal tselve goidshuys niet tegenstaen(de) den vors(creven)/ payme(n)ten en(de) uutsetten(en) sijn geheel gebrec mette(n) selve(n) beleide/ verhalen ende v(er)reycken mog(en) de gelufte(n) alle der p(er)sone(n) vors(creven)/ oic altoes stat grijpen(de) alsoe dat tgoidshuys kuese hebben sal/ met dien beleide te wercken oft de gelovers en(de) hue(r) goede te/ exeque(re)n Ende soe wa(n)neer de vors(creven) payme(n)ten alle voldaen/ sijn salmen den vors(creven) vader ende allen den vors(creven) gelovers den/ vors(creven) beleitbrieve en(de) alle b ande(r) brieve die deselve henric/ oft de sijne uut ocsuyne van dat hij die vors(creven) goede te houden/ plach gemaict mach hebben overgeve(n) om d(air) mede te doene/ dat hem gelieft couck(eroul) oud(erogghe) ja(nuar)[ii] ulti(m)a