SAL7369, Akte: R°24.2 (48 van 721)
Akte R°24.2
Act
Datum: 1475-07-21
Transcriptie
2017-12-29 door Karel EmbrechtsOp den xxi[te(n)] dach julii a(n)no xiiii[c] lxxv is bijde(n) rade vander/
stat notabelijck v(er)gadert ov(er)dragen en(de) get(er)mineert datme(n) d(er)/
wed(uwe) g(er)ts wile(n) va(n) crehain tot behoef va(n) hue(r) en(de) hue(re)n wettige(n)/
kinde(re)n die zij heeft vande(n) selve(n) wile(n) g(er)de ov(er)geve(n) en(de) leve(re)n soude/
alle alsulke(n) br(ieven) als onder de wet alh(ier) in deser came(re)n gesedt w(er)de(n)/
a(n)no lxxii c(ir)ca pri(n)cipiu(m) me(n)s(is) maii die toetebehoire(n) plage(n) henr(icke)/
va(n) blehain en(de) jouff(rouwe) marie(n) vand(er) rivie(re)n zijne(n) wive en(de) oick rase/
vand(er) rivie(re)n vader der voirs(creven) jouff(rouwe) marie(n) en(de) aencleefde(n) den/
goede(n) d(air)af dat geruert w(er)t in eene(n) tractate gepasseert voir/
scepen(en) van loven(en) in des(er) came(re)n ap(ri)lis penult(ima) a(n)no lxxii p(re)d(icto)/
tussche(n) de voirs(creven) p(ar)tien Want de selve p(ar)tie va(n) blehain en(de)/
de hue(r) de selve goide inde(n) selve(n) tractate begrepe(n) bynne(n)/
den drie jare(n) niet gelost en hadde(n) noch hen yege(n) dov(er)geve(n)/
der voirscr(even) br(ieven) soe dat voirscr(even) steet oppone(re)n en woude(n)/
als hen te twee male(n) mett(er) stat br(ieven) dach va(n) opposicien/
betekent was geweest Welke brieve tyebout steenwechs/
relateerde hem gedrage(n) te hebbe(n) aen hue(re)n p(er)sone(n) en(de) dat/
zij hem antwerden in effecte dat zij hen yeghen de/
ov(er)leveringhe der selver br(ieven) niet oppone(re)n en wouden/
want zij de goede nae inhoudt vande(n) tractate voirg(eruert)/
niet gelost en hadden noch in meyni(n)gen en ware(n) te/
lossen in pleno (con)silio
Nagekeken door: Kristiaan Magnus
Moderator: Kristiaan Magnus
Laatste update:: 2016-08-31 door Xavier Delacourt