Item coppen standart geheeten inden valcke heeft gekind gelijd ende/ openbairlic geclaert dat hij vander saken dair o(m)me hem eenighe/ quetsue(re)n gegeven oft aen hem e(n)nige meshandelingen gesciet mogen/ zijn in eenig(er) manie(re)n bij heynen de putte(re) janne de putte(re) vorste(r) sijne(n)/ brueder oft eenigen van hen des nu omtrint xvii weken leden es/ selve principael ocsuyn en(de) oirspronc was ende dat hij dat bij sijnd(er)/ dronckenscap ende verschincktheit selve aen hen zee(r) verhaerde ende/ verdyende ende dat hem die langhe quale comen es bij sijnen/ versuemenissen quaden regimente ende oeffeningen ende toesiene/ Ende heeft dair o(m)me de selve coppen hen ende elken van hen/ besundert geexcuseert ontsculdicht en(de) ontlast vand(en) selve(n) quetsue(re)n/ ende meshandelinge(n) ende des dair uut gesproten es oft spruyte(n)/ soude mogen en(de) mits desen excuseert onsculdicht en(de) ontlast d(air)/ af geheelic en(de) al de selve hen dat volcomelic verghevende/ ende dair af quijtsceldende Geloven(de) de selve d(aer) af ne(m)mermeer/ aentespreke(n) te moeyen te volge(n) noch te vexe(re)n te eysschen bij hem/ selve(n) noch nyeman(de) and(er)s in gheenen rechte gheestelic noch weerlic/ in gheenre [wijs] noch dair o(m)me ongunst veede noch viantscap te/ drage(n) noch wrake d(aer) op te doene te doen doen oft te late(n) gescien/ p(er) se aliu(m) vel alios in gheene(n) toecomen(de) tide(n) s(ed) war(andizare) cor(am) oud(erogghe)/ reth(eman) febr(uarii) xix