Vander questien ende geschille(n) uuytstaen(de) tussche(n) qui(n)ten/ couckeroul nu ter tijt scepen(en) te loven(en) ter eender ende/ jacoppe del haye ter ande(r) zijden uuyt saken van drie/ mudden corens erfs pachts loevensch(e) maten ende te/ loven(en) te leve(re)n die de voirscr(even) qui(n)ten voirtijts gecrege(n)/ heeft met scepen(en) brieve(n) van loven(en) en(de) ande(r) opde/ goede vander haghe(n) en(de) vander phalise(n) hebben hen/ de voirscr(even) p(ar)tien van allen saken dien aengaende/ totten daghe toe van heden gesubmitteert en(de) v(er)bonde(n)/ inde eendrechtighe uuytsprake van pete(re)n vanden/ berghe pete(re)n vander hoeve(n) janne van udekem/ en(de) mychiele va(n) ha(n)nut Op alsulken vueghe/ dat p(ar)tien den segge(re)n informacie geve(n) sulle(n) tussche(n)/ dit ende van in maendaghe naestcomen(de) in acht dage(n)/ om de voirscr(even) segg(er)s hue(r) eendrechtige uuytsprake te/ doene bynne(n) acht daghe(n) dair nae en(de) oft eenighe/ vanden segge(re)n vander hant ware(n) sieck oft and(er)s soe/ dat hij totter uuytspraken niet en conste noch en
//
mochte verstaen souden de ande(r) segghe(re)n/ eendrechtelijck in die stad eene(n) ande(re)n moeghe(n)/ nemen promitt(entes) rat(um) cor(am) joh(ann)e ouderogge/ et god(efrido) reth(eman) martii xvi