It(em) jan lenarts sone wijlen jans woenen(de) te loevengoel in p(rese)ncia heeft genome(n)/ en(de) bekint dat hij genome(n) heeft van arnold(en) van kets als p(ro)cur(eur) des grote(n)/ beghijnhoofs te loven(en) en(de) inden name der fermerien desselfs die goede hier na/ bescrev(en) Inden yersten vijf dach(mael) en(de) xxv roeden wynnens lands geleg(en) te/ loevengoel opt velt geheete(n) zymberch tussce(n) de goede he(re)n s(er)vaes uute(n)/ lyemi(n)gen p(ro)chiaens te loeve(n)joel t(er) eenre sijde(n) pet(er)s vand(en) berghe t(er) andere/ en(de) maes de moyse(re) ter derder sijde(n) It(em) drie dach(mael) lants geleg(en) aldair opt/ velt geheete(n) hambroec tusscen den goeden des vors(creven) pet(er)s vand(en) berghe ter/ eenre sijde(n) en(de) kathelinen vinx ter ande(r) It(em) een half boender lants myn/ xxv roede(n) geleg(en) opte(n) zymberch tusscen de goede peters de moyse(re) ende/ pet(er)s vand(en) berghe vors(creven) It(em) een dach(mael) en(de) xvi roede(n) lants gelegen aldair/ tussce(n) de(n) goeden des vors(creven) pet(er)s de moyse(re) en(de) pet(er)s vand(en) berghe It(em) i(½)/ dach(mael) en(de) x roeden lants gelege(n) aldair tusscen den goeden des voirs(creven) wilen/ jans gielijs nu pet(er)s vand(en) berge t(er) eenre sijde(n) en(de) maes de moysere ter/ ande(r) It(em) xxiiii roede(n) lants geleg(en) inde p(ro)chie van bierbeke neven/ mesiershaghe tusscen den goeden des vors(creven) pet(er)s vand(en) berghe en(de) de erfgename(n)/ jans wilen van raitshove(n) It(em) drie dach(mael) lants myn xv roeden geleg(en) inde/ p(ro)chie van loevengoel opt velt geheete(n) sconi(n)cxhout tussce(n) de goede peters/ vanden berge en(de) der kinde(re)n brabants It(em) vive dach(mael) en(de) xiiii roeden lants/ geleg(en) aldair in een bloc tusscen jacoppe lyemi(n)c in ii sijden en(de) pet(ere)n vand(en)/ berghe dat jans gielijs was op i ynde It(em) iii dach(mael) en(de) xlv roeden lants/ geleg(en) aldair in een ander bloc tussce(n) de goede der erfgename(n) henrix/ wijlen de smet ter eenre sijde(n) en(de) he(re)n servaes lyemi(n)cx voirs(creven) t(er) ande(r)/ Te houden te hebben en(de) te wynnen van halfmeye naistcomen(de) eenen/ t(er)mijn van xii jae(re)n lang vervolgen(de) elx jairs dae(re)nbinne(n) om ende/ voe(r) tweelf mudde(n) ende een zister rogs goet en(de) payabel der maten van/ loven(en) met wanne en(de) vede(re)n wael bereit tsint andriesmisse apostels te/ betale(n) en(de) te loven(en) te leve(re)n der vors(creven) fermerien oft hue(re)n geco(m)mitteerde(n)/ jairlix den vors(creven) t(er)mijn due(re)nde quol(ibet) ass(ecutu)[m] It(em) sal die voirs(creven) wynne die/ voirs(creven) lande jairlix den voirg(eruerde) t(er)mijn due(re)nde wynne(n) werve(n) en(de) mesten/ wel en(de) loflic gelijc reengenoete(n) bove(n) en(de) beneden en(de) tselve meste(n) sal ten/ mynste(n) tallen sesse jae(re)n eens wel en(de) loflic mote(n) gedaen wordden ende
//
tsijnen afscheiden sal hij die voirg(eruerde) ii yerste stucken late(n) besaeyt met/ somer coirne op twee getideghe voren die twee leste stucken op vier/ getidege voren met wynter coirne wel en(de) loflic ende dander lande/ brake eens o(m)me gedaen It(em) en sal de vors(creven) wynne gheen vanden/ voirs(creven) goeden ten lesten drie jae(re)n sijns voirs(creven) t(er)mijns moighen/ hoervruchte(n) It(em) es vorweerde dat de voirs(creven) wynne jairlijcx/ betalen sal sonder afslach van des vors(creven) steet xxxiiii d(enieren) outs/ chijs die uute(n) vors(creven) goeden van outs gegaen hebben ende alle/ dese vorweerden cor(am) couck(eroul) retheman ap(ri)lis penulti(m)a