It(em) oft e(n)nige vand(en) voirs(creven) vie(r) p(ar)tien te weten(e) hee(re)n/ ever(art) vrouwe m(ar)grieten sijnder medegesellinne(n) augustijne/ vand(en) borchove(n) ridde(re)n vrouwe (christ)inen vand(er) borch/ zijnder medegesellinne(n) suster der voirs(creven) vrouwe m(ar)griete(n)/ jouffr(ouwe) johanne(n) vand(er) borch weduwe jans wilen/ vand(en) heetvelde suster der voirs(creven) gesuste(re)n oft jouffr(ouwe)/ marien vand(er) borch suster der gesuste(re)n voirs(creven) e(n)nige/ goede chisen rinte(n) oft pachte(n) met rechte afgewonne(n)/ werden oft op e(n)nige der voirs(creven) goeden meer co(m)mers/ bevonden werde dan inden voirs(creven) deylinge(n) verclaert/ steet ende dat dat gedroege boven de vi pl(a)c(ken) erflijc/ dat die goede alsoe met rechte verloe(re)n sijnde oft/ dien meer co(m)mer de voirs(creven) vie(r) p(ar)tien elc van zijne(n)/ aendeele den verlieser rastoir doen sal Ende oftmen/ oic namaels e(n)nige goede bevonde tusschen de/ selve p(ar)tien niet gedeylt ende hen gebleve(n) nae de/ doot der voirs(creven) wilen vrouwe katlijne(n) dat die goede/ de vie(r) p(ar)tie(n) hier lest voirgenoemt in vie(r) gelike(n) deele(n)/ deylen selen eisd(em)