It(em) om dat jaspar claus vorste(r) die voir meye(r) en(de) scepen(en)/ van loven(en) gevo(n)nist heeft zeke(r) scep(enen) br(ief) van loven(en)/ spreken(de) van xiiii(½) r(yns) gul(den) op g(er)de vande(n) veken(en) en(de)/ hadde mett(er) stat br(ieve) doen co(m)me(re)n om betalinge te crige(n)/ alle de goede desselfs g(er)ts onder den meye(r) va(n) nethen(en)/ gelegen Ende d(aer)nae dat come(n) was laur(eis) van wynge/ over lanck geleyt met scepen(en) br(ieve) van loven(en) voir wettich/ gebreck alsoe hij seyde tot alle(n) den goede(n) beruerlijck/ ende omberuerlijck desselfs g(er)ts en(de) hadde v(er)worve(n) br(ieven)/ aende(n) voirs(creven) meye(r) om de voirs(creven) goede in zijne(n) orbe(r)/ ontslage(n) te worden en(de) heeft allen opponente(n) dach/ van rechte alh(ier) besceyde(n) Soe zijn in wed(er)zijde come(n) te/ rechte de voirs(creven) p(ar)tien voir meye(r) en(de) scepen(en) va(n) loven(en)
//
daer de voirs(creven) fief jasp(ar) die zijn schout bij eede p(rese)nterde/ te ve(r)ifice(re)n als come(n) zijnde van gheleende(n) ghelde hoepte/ dat niet tegenstaen(de) desselfs laureys beleyde hij om/ tot zijnder voirscr(even) schout te come(n) hem aende goede/ des voirscr(even) g(er)ts mids zijne(n) scepen(en) br(ieve) nad(er) stat recht/ v(er)richte(n) soude Ende de voirs(creven) laur(eys) heeft hem daer/ tege(n) geopponeert meynen(de) dat hij vander wettig(er) schout/ die he(m) de voirs(creven) g(er)t sculdich was en(de) die hij met zijnder/ eedt p(rese)nteerde te ve(r)ifice(re)n en(de) bij p(ar)tie(n) ov(er) te geve(n) en(de) te/ declare(re)n voirgae(n) soude en(de) op tsurplus liet hij den voirs(creven)/ jaspae(re)n procede(re)n Hij p(rese)nteerde oick om d(aer)toe te come(n)/ de goede texeque(re)n hopen(de) dat op die p(rese)ntacien de voirs(creven)/ goede tot voldoen(en) va(n) zijne(n) gebreke sculdich ware(n) te/ volge(n) en(de) [dat] hij d(aer)inne den selve(n) jasp(ar)en soude voirgae(n)/ Vanden welke(n) de voirs(creven) jasp(ar) die zij(n) schout m(er)kelijck/ cleerde onlanx geborcht zijnde meynde de (contra)rie seggen(de)/ al hadde laureys ov(er)gegeve(n) in eender cedulle(n) seke(r) sculde(n)/ dragen(de) tot groote(n) so(m)men soe en hadde hij niet geclert/ wair af die schout qua(m) rue(re)nde oft wes laur(eys) va(n) erve/ oft erfrinte(n) d(aer)op mocht hebbe(n) gehadt oft wat reden(en) he(m)/ d(aer)toe hadden geport dat hij soe lange sulke schout hadde/ geborcht en(de) dat hij oick sculdich wae(r) te v(er)cle(re)n wa(n)neer/ de voirs(creven) schout gemaect wae(r) geweest soe voe(r) oft nae/ zijne(n) beleyde dat out van date(n) was Op dwelc de/ voirs(creven) laur(eys) doir zijne(n) voirspreke ope(n)baerlijck ind(er) vierscare(n)/ dragen(de) de woirde aen he(m) bekinde dat alle zij(n) geeyschte/ schout nae zijne(n) beleyde was gemaect dwelc de/ voirs(creven) jasp(ar) bij zijne(n) voirspreke staedde aen scepen(en)/ en(de) hoepte al en hadde hij and(er)s gheen behulp soe/ en conde hem de selve laur(eys) gheen hinder gesijn hij/ en soude moege(n) nae recht zijn schout aende goede/ des voirs(creven) g(er)ts verhale(n) En(de) de voirs(creven) laureys meynde
//
neen mair dat hem en(de) zijne(n) beleyde zij(n) schout die/ hij met eede ve(r)ifice(re)n soude willen d(aer)aen selve volge(n)/ soude opde p(rese)ntacie voirscr(even) Ende aldus was gewijst/ bij scepen(en) va(n) loven(en) t(er) manissen smeyers nae ae(n)sprake/ verantw(er)den van beyde(n) p(ar)tien en(de) tke(n)nisse des voirscr(even)/ laureys dat de selve laur(eys) met zijne(n) beleyde jaspe(re)n/ aen zijn rechtvorderinghe gheen hinder sijn en soude cor(am)/ om(n)ibus dempto lyemi(n)gen junii vi