It(em) de meye(r) van loven(en) heeft onlanx aengesproke(n) inde banc/ janne taverniers seggen(de) dat hij tande(re)n tijde(n) geloeft/ hadde janne va(n) huldenberge he(r) vander loenbeke(n) een bedev(ar)t/ te straesborch dien te porre(n) bynne(n) xl dage(n) doe(n) naestc(omende)/ Ende nochta(n) al eest dat den dach en(de) den t(er)mij(n) lange/ zijn ov(er)leden soe es de voirscr(even) jan vast bynne(n) lants
//
bleven zoe onder den voirs(creven) janne van huldenb(er)ge en(de)/ oick onder mijne(n) gened(ichen) he(r) gaen(de) in cleynich(eit) vanden/ selve(n) onsen gened(ichen) he(r) zijnder vassalle(n) en(de) in scempten/ vande(n) rechte dair aen de voirs(creven) meye(r) meynde dat/ de voirscr(even) jan v(er)buert soude hebben [vacat]/ oft sulke koer(re)n en(de) beternissen als scepen(en) wijsen souden/ Want soudt soe zijn en(de) mochten p(ar)tien alsoe huer geluefte(n)/ late(n) overleden ende trecht v(er)smaden soe en waert al/ niet vanden rechte noch van sulken bet(er)nissen diemen/ gelove(n) soude moegen en(de) d(aer) uuyt mochte(n) dan volge(n) vele/ inco(n)venienten Dair op de voirs(creven) jan he(m) v(er)antw(er)d(ende)/ meynde d(er) aensprake(n) ongehoude(n) te zijne seggen(de) dat/ hij niet in cleynich(eit) vanden prinche vand(en) voirs(creven) ja(n)ne/ noch vande(n) rechte thuys en wae(re) gebleve(n) mair om dat/ den voirs(creven) wech van straesborch was ov(er)lanck geweest/ onveylich te trecken en(de) dat was lantcondich en(de) oft me(n)t/ hem ontkynne(n) woude hij boedt te thoene(n) Allige(re)nde/ voirts div(er)se reden(en) bijden welke(n) hij des(er) ae(n)sp(ra)ken/ meynde ongehoude(n) te zijne mair hij p(rese)nteerde soe/ saen alst mogelijck ware zonder perikel te trecken/ de voirs(creven) bedev(ar)t te doen hopen(de) met die p(rese)ntacien/ te gestaen Aensp(ra)ke en(de) v(er)antw(er)den gehoirt al int/ langhe wijsden de scepen(en) de sake inder stadt/ hande ende als scepen(en) die geleghenth(eit) vand(en) gedi(n)ge/ en(de) voirtstelle van beyden p(ar)tien den rade vander/ stat hadden ov(er)bracht wert d(aer)op rijpelijck bijde(n)/ selve(n) rade gelet en(de) uuytgesproken voir reden(en) en(de)/ recht dat jan taverniers d(er) aensp(ra)ken voirs(creven) bijden/ meye(r) op hem gedaen ongehouden sijn soude Niet/ te min sal hij sculdich zij(n) zonder v(er)treck den/ principale(n) wech bij he(m) te straesborch geloeft te doe(n)
//
ende te porre(n) ende oft de selve jan taverniers segge(n)/ wille dat hij noch veylich niet recken en soude moge(n)/ soe sal jan van huldenberghe koeze hebbe(n) de selve/ bedvaert te laten staen tot me(n)se veylich trecken/ mach oft dat janne tav(er)niers de selve bedevaert/ geco(m)muteert w(er)de bijde(n) rechte in ande(re)n veylige(n) weghe(n)/ zoe v(er)re als straesborch zijnde in cons(ilio) junii xii