Op heden inde banc ende inder vierscharen sijn gecompareert/ in rechte willem thijs wettich sone jans thijs mette(n) selven/ janne sijnen vader hem v(er)meeten(de) montsoende(r) en(de) naeste leven(de)/ te wesen van janne wijlen thijs zijne(n) brued(er) die onlanx
//
omtrint deser stat van live ter doot bracht es ter eender sijde(n)/ ende jan van bierbeke ter ande(re) dair de vors(creven) willem den vors(creven)/ janne van bierbeke die gevangen wert inde meyerien van/ loeven(en) onder onsen gened(ichen) he(re)n den hertoge ende alsoe v mits/ crisme dair hij mede belast wart te loeven(en) inne gebracht/ beteech seggen(de) dat hij vander doot van sijnen brueder plichtich/ en(de) coupabel soude Versueken(de) aenden meye(r) van loeven(en) ind(er) vierschare(n)/ zitten(de) want hij een man was van buyten ende qualic wiste getuygen/ dair mede hij hem in desen mocht behulpen dat de selve meyere/ hem behulpelic ware ende den vors(creven) van bierbeke soe verre besochte/ en(de) selve als officie(r) tegen hem p(ro)cedeerde dat hem vand(er) doot sijns/ brueders recht en(de) justicie gebuerde conclude(re)nde dat de selve/ meye(r) dat biden reden(en) voirs(creven) en(de) meer and(ere)n die hij dair toe vuechde/ sculdich wae(re) te doene Dair op de selve jan van bierbeke sustine(re)nde/ vand(en) vors(creven) feyte ontsculdich te wesen hem v(er)antweerde en(de) seyde/ want hij tonrechte alsoe hij meynde van desen feyte geaccuseert/te wesen was ende hier te loeven(en) inne bracht en(de) hem ende/ sijnre wederp(ar)tien vors(creven) op heden dach van rechte was beteykent ind(er)/ vierscharen te comen en sijn p(ar)tien hem niet aen en spraken/ mair den meye(r) versochte(n) tegen hem te p(ro)cede(re)n inder maten als/ voe(r) dwelc nae recht alsoe niet en behoorde dat hij der ticht/ der vors(creven) zijnre wederp(ar)tien ongehouden sijn soude De vors(creven) meye(r)/ van loeven(en) hem oic in desen want tvoirtstel vand(er) p(ar)tien hem/ aenghinc verantweerden(de) meynde dat hij niet sculdich en wae(re)/ der (con)clusien des voirs(creven) aenleggers van ons gened(ichs) he(re)n weghen/ nae te volghen mair allegeerde dat de selve aenlegge(r) voer hem/ en(de) scepen(en) van loeven(en) zijn clachte hadde gedaen en(de) alsoe hadde/ hij als richte(r) hem den aenlegge(r) dach van rechte beteekent op
//
heden ende geseecht den voirs(creven) janne van bierbeke int recht te/ bringhen soe hij blikelijc hadde gedaen ende hem doen versien/ ende spreken met sijnen voirspreke p(rese)nte(re)nde in voller vierschare(n)/ den vors(creven) aenlegge(r) recht te doene alsoe hij sculdich ware te/ doene en(de) al dat hem scepen(en) wijsen soude(n) meynen(de) dat hij/ uut versueke des vors(creven) aenleggers dair toe noch ter tijt niet/ meer sculdich en wae(re) te doene Alsoe dat hier op scepen(en) van/ loeven(en) bij den meye(r) gemaent wijsden voer een vo(n)nisse geliefde/ den vors(creven) aenlegge(r) den vors(creven) van bierbeke met rechte te bethide(n)/ ende aen te spreke(n) dat hij dat doen mochte met rechte Nae desen/ hebben beide de vors(creven) p(ar)tien om tvors(creven) vo(n)nisse te achtervolgen/ in wederssijden dach van rechte genomen op in saterdaghe/ naistcomen(de) cor(am) om(n)ibus scabinis dempto lyemi(n)g(en) decembr(is) xii