Want gord hanckart als geleit nae den rechte der stat van loeven(e) uut/ machte van scepen(en) brieve(n) van loeven(e) over lang gemaict en(de) gepasseert voer/ zijn wettich gebrec van eenen sacke corens lijfrente(n) van vijf jae(re)n/ verloopen tot allen den goeden beyde have en(de) erve gorts wijlen de/ raet opde(n) dach van heden hadde doen bescrive(n) de wettige kinde(re)/ des vors(creven) wijlen gorts de wettige manne(n) en(de) mo(m)bo(r)en der dochte(re)n/ desselfs ende oic de weduwe en(de) kinde(re) gheerts wijlen de scoesittere/ die hem ongebruyc dede(n) aen alle de vors(creven) goede tot welken daige/ gheen van hen gecompareert en es Den vors(creven) geleydden altijt/ p(ro)cede(re)nde soe wijsden de he(re)n scepen(en) van loeven(e) ter maniss(en) smeyers/ voer een vo(n)nisse trescript vand(en) bailiu van geldenake yerst gevisenteert/ hebben(de) datme(n) den vors(creven) gorde hanckart vand(en) vors(creven) goede(n) houde(n) sal inde/ macht van sijne(n) beleide vors(creven) soe verre dat noch voir hen come(n) is cor(am)/ meldert abs(oloens) oud(erogghe) reth(eman) decembr(is) xii