It(em) jan blanckart sone wile(n) wout(er)s in deen zijde en(de) arnt vand(er) berct/ in dande(re) sijn voir hen en(de) hue(re)n nacomeling(en) bij tusscenspreken van/ e(n)nighen hue(re)n vrinde(n) eens wordde(n) en(de) overcomen van hue(re)r beider/ erve neven een geleg(en) inden wyerinc opde(n) hoec dairmen ten/ p(re)dike(re)n weert gaet der pointe(n) ende erfvorweerde(n) hier nae v(er)clairt/ Te weten dat de vors(creven) jan alsulken zijn metselrie en(de) ty(m)meringhe/ alse hij nu op des vors(creven) arnts muer tusscen hue(re)r beider erve staen(de)/ gemaict heeft dair op tot eeuwig(en) daig(en) voir hem en(de) zijn nacomel(ingen)/ sal moigen behoude(n) staen(de) zoe die nu staen mair dair inne en selen/ egheen vinste(re)n oft gate zijn oft naemaels gemaict wordde(n) dair/ doer men sien mochte ten erve weert des selfs arnts dwelc zij/ deen den ande(re)n gelooft hebben voer hen hue(re)n erfgenamen ende/ nacomeling(en) tot eeuwig(en) daig(en) te onderhoude(n) en(de) eeuwelijc/ tacht(er)volgen cor(am) pynnoc retheman julii xvii