It(em) goird van kessele sone henr(ix) h(er)man bate(n) lijsbeth va(n)/ kessele zijn werdynne suster des voirs(creven) goirts jan va(n)/ breetzijp joha(n)ne va(n) kessele zijn wijf sust(er) des voirscr(even)/ goirts en(de) lijsbetten wouter helscheviers inde(n) name va(n)/ zijne(n) wettighe(n) kinde(re)n die hij heeft va(n) marien wile(n)/ van kessele zijne(n) wive sust(er) was des voirs(creven) goirts/ en(de) der gesuste(re)n welke kinde(re) alse zij te hue(re)n dage(n)/ come(n) selen zijn de voirs(creven) hue(r) vader h(ier)inne geloeft/ heeft te v(er)vange(n) in deen zijde ende jan de briede(re)/ sone wile(n) willems van cortelke met g(er)truyde(n) van/ gry(m)me zijne(n) wive t(er) ande(re) In p(rese)ncia hebben gekint en(de)/ gelijdt dat zij met malcande(re)n ov(er)come(n) en(de) eensworde(n)/ zijn alse van al tghene des katlijne wile(n) van/ kessele sust(er) was der voirs(creven) kinde(re)n va(n) kessele die/ yerst wijf was des voirs(creven) jans de briede(re) van have(n)/ oft erve(n) in hue(re)n testame(n)te gelate(n) mach hebbe(n) de(n)/ voirs(creven) kinde(re)n va(n) kessele en(de) des allen dien aencleeft d(aer)om/ p(ar)tien tege(n) malcande(re)n overlanck in questien en(de) gedinge/ gestaen hebben int gheestelijck gherichte voe(r) de(n) officiael/ van luydick te loven(e) der pointe(n) condicie(n) en(de) vorweerde(n)/ hier nae bescreve(n) die zij malcande(re)n elck hue(re)r soe v(er)re alst/ hem aencleeft geloeft hebben tonderhoude(n) en(de) te voldoen(e)
//
Inden yersten sal versmelte(n) ende te nyeute zijn mits/ desen tvoirs(creven) proces en(de) gedinge dat tussche(n) p(ar)tien om/ des(er) saken wille geweest hebben soe dat gheen va(n)/ hen d(aer)om voirde(r) volge(n) en sal moeghe(n) opden ande(re)n noch/ laten volghe(n) in gheender wijs Item dat de voirscreve(n)/ jan de briede(re) en(de) zijn wijff der voirs(creven) wed(er)p(ar)tien voir/ al tghene des hen come(n) mach oft e(n)nichssins behulpe(n) behoire(n)/ uuyt sake(n) vanden voirscr(even) testame(n)te van so(m)men van/ pe(n)ni(n)gen oft and(er)s oft voir tghene d(aer)inne de selve jan/ de briede(re) en(de) zijn wijff anderssins uuyt sake(n) vanden/ testame(n)te te he(n)w(er)t oft e(n)nige(n) va(n) hen gehouden mochte(n)/ zijn van wat saken dat het wae(re) totten daghe toe/ van hede(n) geve(n) ende betale(n) sele(n) [te weten] elke(n) van hen soe/ v(er)re hem dat toebehoirt de so(m)me va(n) x r(yns) guld(en) te/ xx stuv(er)s tstuck en(de) xl rijd(er)s te xxv st(uvers) tstuck en(de) elk(en)/ stuv(er)s te iii pl(a)c(ken) Te wete(n) de helcht vand(en) x r(yns) gul(den)/ te paesschen naestcomen(de) tvierdel vand(en) xl rijders to(n)s(er)/ vrouwe(n) daghe nativitas d(aer)nae t(er) stont volgen(de) tvierdel/ vand(en) xl rijd(er)s en(de) dander helcht vand(en) voirs(creven) x r(yns) gul(den)/ te kersmesse d(aer)nae tvierdel vand(en) voirs(creven) xl rijd(er)s/ tons(er) vrouwe(n) dage nativitas d(aer)nae ende dleste/ vierdel d(aer)af te kersmesse d(aer)nae volgen(de) te betale(n) q(uo)l(ibet) ass(ecutu)[m]/ Ende h(ier) mede sal elke p(ar)tie drage(n) zijn coste(n) inden/ p(ro)cesse voirscr(even) gehadt en(de) gelede(n) en(de) hebbe(n) de voirs(creven)/ yerste p(ar)tien den voirs(creven) janne de briede(re) ende zijne(n)/ wive volcomelijck quijtgescouwe(n) va(n) al tghene daer/ inne zij uuyt saken vanden voirscr(even) makinge(n) van/ testame(n)te e(n)nichssins t(er) selver yerster p(ar)tien weert/ gehoude(n) mochte(n) zijn totten daghe toe va(n) hede(n) P(ro)mitt(entes)/ null(atenus) alloq(ui) sed war(andizare) cor(am) pynnock couk(eroul) febr(uarii) vii