It(em) matheeus nijs sone wile(n) henr(ix) nijs wonen(de) te/ berghen opden zoom die des nae bescreve(n) steet volcomel(ijc)/ ghemechticht es va(n) m(ar)griete(n) vander haghe(n) met symone/ de mo(n)nick hue(re)n wettige(n) man en(de) momboir mette(n) zegle/ ten saken der stadt van he(re)ntals vand(er) daet xiiii[c]/ lxxiii op den xxvi dach va(n) januar(ii) nae costu(m)e van/ scrive(n) thoofs van camerijck heeft gekint en(de) gelijdt/ opembaerlijck dat lijsbeth vander hoeve(n) weduwe/ pet(er)s wile(n) vander haghe(n) die wettich brueder was/ der voirscr(even) m(ar)griete(n) nu wettich wijf gielijs [es] va(n) zellart/ mette(n) selve(n) gielijs den selve(n) matheeuse voir hem en(de)/ als p(ro)cur(eur) der voirs(creven) m(ar)griete(n) zijnre moeyen volcomel(ijc)/ vernuecht en(de) te vreden gestelt heeft va(n) allen den/ haefliken goede(n) en(de) vliegen(de) erve als hen oft e(n)nighe(n)/ van hen bleve(n) mach zijn en(de) toegecome(n) van en(de) bij/ der doot en(de) aflivich(eit) des voirs(creven) wile(n) pet(er)s vander/ haghe(n) Bekynnen(de) hem d(aer)aff vernuecht ende wel/ betaelt scelden(de) d(aer)aff volcomelijck quite de voirscr(even)/ lijsbeth gielijse hue(re)n man en(de) alle ande(r) des quitan(cie)/ behoeven(de) Geloven(de) de voirscr(even) matheeus voir hem en(de)/ als procur(eur) voirscr(even) de voirs(creven) lijsbeth en(de) [oft] gielijse d(aer)af/ ne(m)mermeer te vexe(re)n te moeyen noch e(n)nige ae(n)sp(ra)ke/ te doene bij hem selve(n) noch yeman(de) and(er)s in/ gheene(n) rechte gheestelijck noch weerlijck sed war(andizare)/ meldert couck(eroul) martii xix