It(em) henrick de coste(re) sone wijlen henr(ix) ten bijsijne en(de) met/(con)sente henr(ix) van mulke sijns oude oems en(de) diericx van/ langrode sijns sweers in p(rese)ncia heeft gekint en(de) gelijdt/ dat hem jan de coste(re) sijn oem en(de) peter vand(er) hoeven/ als mo(m)boire sijns wijfs die moeye es desselfs henr(ix)/ volcomen rekeni(n)ge bescheyt en(de) bewijssenisse gedaen/ hebben van der mo(m)borien en(de) allen ende yegewelken/ bewinde regime(n)te hanteringhe(n) anveerden heffen en(de) legge(n)/ dat zij oft e(n)nich van hen gedaen oft gehadt moegen/ hebben vand(en) selven henricke oft eenige sijne(n) goede/ have oft erve hoe danich die sijn waer zij gelegen/ sijn oft bevonden waren hem gebleven van claesen/ den coste(re) en(de) zijne(n) wive oudevader en(de) oudemoeder/ des selfs henr(ix) oft anders in e(n)nigher manie(re)n ende
//
dat hem de selve jan en(de) pet(er) daer af en(de) van al des/ daer aen cleven mach volcomelijc genoech hebben gedaen/ en(de) gecontenteert Sceldende alsoe voe(r) hem sijne(n) erve(n)/ en(de) nacomelingen den selve(n) janne en(de) pete(re)n en(de) hue(re)n/ nacomelingen daer af en(de) voert van allen ande(re)n goeden/ have en(de) erve beruerlijc en(de) onberuerlijc die e(n)nich van/ hen opden dach van heden te hemweert heeft houdt en(de)/ en(de) besidt in e(n)nigher manie(re)n het zij dat die wijlen/ claesse de coste(re) oft sijne(n) wive vader en(de) moeder desselfs/ jans toebehoerden oft in wat ande(re)n manie(re)n dat zij die/ houden(de) en(de) besitten(de) sijn bij testamente desselfs wijlen/ claes bij deylingen oft anders in e(n)nigher manie(re)n/ en(de) voert van allen ande(re)n geluften (con)dicien co(n)vencien/ clachten eysschen en(de) allen ande(re)n saken oft stucken/ daer inne zij oft e(n)nich van hen ten selven henr(icke)/ weert gehouden moeghen [mochte(n)] sijn totte(n) daige toe van/ heden in wat manie(re)n dat zij volcomelijc quijt/ Promitt(ens) null(atenus) aloqui s(ed) war(andizare) erga quoscu(m)q(ue) Wantme(n)/ uut(er)lijc inder selver rekening(en) bevond(en) heeft dat/ de voers(creven) henr(ic) den voers(creven) ja(n)ne sijnen oem van sijne(n)/ uutleggen hogher gedroeghen dan sijn ontfanc/ tacht(er) en(de) sculdich is een so(m)me van lxxx rinssche/ gulden(en) oft meer daer voe(r) de selve jan sijn oem bij/ onderwijse van vrienden hem heeft laten payen mett(er)/ so(m)men van drie crone(n) erflijc die hij hem op heden/ overgegoet heeft daer inne de selve jan sijn/ tocht hadde cor(am) couck(eroul) reth(eman) april(is) xxv