Van alle(n) alsulke(n) questien eyssche(n) en(de) gescille(n) als jan/ vande(n) putte en(de) stas van bolle te malcande(re)n uutstaen(de)/ moege(n) hebben vander helcht wy(n)ni(n)gen va(n) seke(re)n goede(n)/ desselfs jans oft anderssins in wat manie(re)n dat zij totte(n)/ daghe toe van heden in eeniger manie(re)n hebben hen de selve/ p(ar)tien v(er)bonden en(de) gesubmitteert in segge(re)n en(de) vrientlijcke/ yffene(re)n te weten de voirs(creven) jan vanden putte in jannese/ van wese(re) coste(r) te cortbeke en(de) willem(me) cobbelgier en(de) stas/ in janne van deurne zijne(n) swag(er) en(de) he(re)n ja(n)ne putteman/ prieste(r) Op vueghe dat elck zijne(n) eysch den ande(re)n ov(er)geve(n)/ sal tussche(n) dit en(de) sondach savonts mett(er) sonne(n) d(aer)op elck/ zijn v(er)antw(er)den overgeve(n) sal tussche(n) dit en(de) des heylichs cruys/ dach d(aer)nae en(de) selen de segg(er)s informacie neme(n) ofts behoeft/ va(n) getuyge(n) en(de) anders en(de) hue(r) uuytsprake doen bynnen/ xiiii nachte(n) d(aer)nae op dat zijs eens zijn Ende oft zijs/ niet eens en ware(n) dat zij dan p(ar)tien gescille(n) en(de) al des/ voir hen come(n) ware bringe(n) souden bide(n) rade vand(er) stat/ bynne(n) viii dage(n) d(aer)nae om d(aer)af een uuytsp(ra)ke te crighen/ promitt(entes) rat(um) Ende oft p(ar)tien segge(re)n gebrake dat zij in/ die stat ande(r) soude(n) mogen neme(n) couck(eroul) oud(erogghe) ap(ri)lis xxv