Voir meye(r) en(de) scepen(en) va(n) loven(en) heeft anthonijs va(n) bladel/ aengesproke(n) ja(n)ne de roeve(re) seggen(de) dat hij als mo(m)boir zij(n)s/ wijfs die moeder es va(n) wile(n) m(ar)griete(n) svos die de voirs(creven)/ jan getrout hadde den selve(n) ja(n)ne aensprack seggen(de) dat/ hij ende zijn wijf metten voirs(creven) ja(n)ne tande(re)n tijde(n) gefin(er)t/ hadde(n) ii(½) rijders erflijck elke(n) geheele(n) te quite(n) met xviii/ te twee male(n) d(aer)af de voirs(creven) jan te he(m)wert getoge(n) hadde/ en(de) tsijne(n) prouffite den i(½) rijder en(de) hem geloeft die wed(er)/ te lossen dwelc hij boodt te thoene(n) seggen(de) oft hijt/ gethoene(n) conde dat de voirs(creven) jan dair toe soude w(er)d(en)/ bedwonge(n) want jans wijf nu aflivich wae(r) ende soe/ des voirs(creven) anthonijs wijf wae(r) een erfwijf worden/ Seyde oick dat de selve jan onderhadde zeke(r) erfbr(ieve)/ he(m) toebeh(orende) die hij meynde dat hij sculdich wae(r) ov(er) te/ geve(n) Op dwelck de voirs(creven) jan hem v(er)antw(er)den(de) ontkinde/ den voirs(creven) anth(onise) vand(en) voirs(creven) v(er)cochten rinte(n) e(n)nich toesegge(n)
//
gedaen te hebben mair het was wair dat tv(er)cope(n)/ der voirs(creven) rinten bij hen beyden en(de) hue(re)r beyd(er) huysv(r)[o](u)wen/ was geschiet en(de) d(aer)om want jan sculdich was zijn/ leefdaghe va(n) duwar(ien) en(de) heylicsche(n) goede(n) te trecken/ x pet(er)s jairlijx zijn leve(n) lang soe p(rese)nteerde hij die/ twee pet(er)s in zijne(n) en(de) zijns wijfs prouffite gecome(n) jaerl(ijx)/ aen zijn duwar(ien) te corten(e) Seggen(de) mede dat de voirs(creven)/ anth(onijs) onder hadde derfbr(ieve) vande(n) goede(n) d(aer) zijn duwar(ie) op sloech/ en(de) soe v(er)re de voirs(creven) anth(onijs) die bringen woude tsijnder eedt/ onder de wet om janne te diene(n) oft hij gebreck hadde int/ voldoen va(n) zijnre duwar(ien) hij p(rese)nteerde den voirs(creven) brief/ dair hem anthonijs af aensprack oeck ter selver natue(re)n/ te sequestre(re)n hopen(de) d(aer)mede te gestane Dair op de voirs(creven)/ anth(onijs) inder replijcken (con)cludeerde als voe(r) aengaen(de) de(n) onderhalve(n)/ rijde(r) meynen(de) dat jan dien weder cope(n) soude oft lossen/ en(de) d(aer)entenden p(rese)nteerde hij de brieve onde(er) hem wesende/ acht(er)volgen(de) jans v(er)sueke onder de wet te bringe(n) Dairop/ nae aensprake en(de) verantweerde(n) de voirs(creven) anth(onijs) gewijst/ was tot zijne(n) thoene daer toe hij gheene(n) ande(re)n dach/ en nam dan den naesten dach van rechte als op/ heden tot welken daghe de voirs(creven) anth(onijs) zijns thoens afginck/ maer was te vreden dat de voirs(creven) jan den i(½) rijder jairlix/ van zijnder duwarie(n) afslaen soude Dairop de selve jan/ meynde want hij niet en thoende dat hij te spade/ quame nu de p(rese)ntacie des voirs(creven) jans inde(n) v(er)antw(er)d(en) gedae(n)/ aen te neme(n) mair dat hij d(er) aensprake(n) ongehoude(n) sijn/ soude Ende soe was gewijst voirt bij scepen(en) t(er) manisse(n)/ smeyers dat de voirs(creven) jan de roeve(re) der aenspraken/ ongehoude(n) zijn soude opde p(rese)ntacie die zij in wed(er)zide(n)/ gedaen hebben vanden brieve(n) te bringe(n) cor(am) scabinis/ in scampno aprilis ultima