It(em) henric blidelevens sone wijlen henrix heeft gekint en(de) gelijdt inde(n)/ name ende van weghen thomaes sijns brueders onder sijn mu(n)deghe/ daghe sijnde den welken hij hier toe gelooft heeft te vervanghen/ dat lijsbeth roeselers hue(re)r beider moeder den selve(n) thomaese in/ gereeden pe(n)ningen geleend heeft de so(m)me van sesse pet(er)s te xviii/ stuv(er)s tstuc de welke voort in desselfs thomaes orboe(r) en(de) p(ro)fite/ sijn bekeert Te weten inde betalinge vanden derdendeele vand(en)/ xviii pet(er)s eens die de vors(creven) twee gebruede(re)n ende matheeus/ hue(r) brueder mits accorde ende tractaete d(aer) af gemaict geven/ moten ende sculdich sijn te geve(n) machiele van scibbeke voir trecht/ dat hij p(rese)nteerde te hebben in seke(r) goede wout(er)s wijlen blideleve(n)s/ der voirs(creven) kinde(re)n oem gelegen te couthem te coelhem en(de) dair omtr(in)t/ ende om meerder coste(n) van gedingen en(de) ongenuechte(n) te schouwen/ Geloven(de) de selve henric inden name ende van weghen als voe(r)/ dair voe(r) inne te staene dat der voirs(creven) sijnder moeder die so(m)me/ van sesse pet(er)s cortten sal aen tprincipael van sulken onderhalve(n)/ rinsche guld(en) lijfpen(sien) alse zij den selve(n) thomaese hue(re)n sone tsijne(n)/ live sculdich es met scepen(en) brieve(n) van loven(en) vand(er) daet m cccc/ lxix ja(nuar)[ii] xx jairlix te betale(n) alse hij te huwelijke oft anderen/ state getoge(n) soude sijn cor(am) meldert couck(eroul) maii xvi