Allen den ghenen (et)c(etera) doen cond en(de) te wete(n) dat op hede(n)/ voir ons comen es zijn in p(ro)pe(re)n p(er)soene magriete weduwe/ wout(er)s wijlen sangwijn marie hue(r) dochter weduwe jans/ wijlen motte h cu(m) tutorib(us) henric en(de) vranc mussche/ gebruede(re)n jan nijs arnd hanckart en(de) amele coukerouls/ zijn wijf weduwe henrix wijlen nijs die brued(er) was des/ vors(creven) jans nijs ende hebben ge(con)stitueert gesedt volcome(n)/ macht p(ro)curacie en(de) auctoriteit gegev(en) henrick scollen/ jacoppe eveloeghe henricke van cuckelberge geheeten/ huewale en(de) janne de coste(re) van libbeke aut alt(er)i Te mane(n)/ teysschen opte bue(re)n tontfange(n) alle alsulken achter stelle alsmen/ hen oft e(n)nigen van hen sculdich en(de) belanc sijn mach oft naemaels/ sal moig(en) wordde(n) in e(n)nig(er) manie(re)n van dien mudde corens/ erflic opde goede joes vand(er) eycken henrix de smet te weerde/ geleg(en) ende van dien capuyne eene(n) halve(n) oude(n) gr(ote) op/ zeke(r) goede gielijs de keyser van weerde geleg(en) oic/ te weerde ende oic van dien acht cap(uyne) ende vive scellinge/ bone op zeke(r) goede nu der erfgename(n) jans meermans/ geleg(en) opde steenbrugghe te nederijssche nae inhout der/ brieve(n) dair af zijnde Dair voe(r) de sculders oft gelovers/ te rechte te betrecken te (con)vi(n)ceren te verwynne(n) opde pande/ te panden te daige(n) te beleide(n) rastemente te doen leggen die/ met rechte texeque(re)n te v(er)volgen te vorde(re)n te bescudde(n) te/ bedinge(n) te wynne(n) te verliesen ende alle tgene dair inne/ te doene en(de) te vorde(re)n dat sij selve soude(n) moig(en) doen oft vorde(re)n/ et q(uod) un(us) incep(er)it p(ro)mitt(ens) rat(um) salvo iusto calculo coram/ vos burg(imagistr)[o] couck(eroul) reth(eman) aug(usti) xxiiii