SAL7369, Akte: V°79.3 (146 van 721)
Akte V°79.3
Act
Datum: 1475-10-03
Transcriptie
2018-01-15 door Karel EmbrechtsIt(em) op heden sijn in rechte come(n) voe(r) meye(r) en(de) scepen(en) van loeven(en)/
inde banc ka(tlij)[ne zwane] die wijf is arnts svorsters slachmolders in deen/
zijde en(de) jan de fyke(re) die uut machte va(n) eend(er) ghichtinge(n) oft/
verreykinge(n) gedaen op den selve(n) arnde geleyt is tot allen den/
goeden des voirs(creven) arnts in dande(re) dair de voirs(creven) fyke(re) versocht/
mette(n) selve(n) sijne(n) ghichtinge(n) en(de) beleyde te p(ro)cede(re)n opde goede/
des voirs(creven) arnts om d(aer) aen te verreycke(n) sijn wettich gebrec dat/
hij heeft op den voirs(creven) arnde dwelc hij bij zijnd(er) eet woude/
verifice(re)n Jege(n) dwelc des voirs(creven) arts wijf hue(r) opponeerde/
sustine(re)nde want hue(r) man was getoge(n) inde reyse en(de) inden dienst/
ons gened(ichs) hee(re)n dat d(aer)om de voirs(creven) fyke(re) verdoelt wae(re) en(de) sculd(ich) wae(re) te/
cesse(re)n D(aer) op de selve fyke(re) replice(re)nde kynde dat de selve arnt ind(en)/
dienst voirs(creven) was getoge(n) m(er) dat en wae(re) he(m) niet sculdich tontstade(n) te come(n)/
bij reden(en) die hij dair toe allig(er)de Soe was ten uut(er)sten gewijst bijd(en)/
scep(enen) va(n) loev(en) ter manissen smeyers dat nae tkynne(n) des voirs(creven) fykers/
de selve fyke(re) te vroech op wae(re) oct(obris) in sca(m)p(n)[o] oct(obris) iii
Nagekeken door:
Moderator: Kristiaan Magnus
Laatste update:: 2016-08-31 door Xavier Delacourt