It(em) symoen vanden dale sone wijlen peters van bierbeke in p(rese)ncia heeft genome(n)/ ende bekint dat hij genomen heeft van jouffr(ouwe) kathelinen weduwe gielijs wijlen/ vander beke thof geheete(n) van laethem met huysen hoven winnen(de) landen en(de)/ allen ande(re)n zijnen toebehoirte(n) zoe verre willem v(er)mozen die vand(er) jouffrouwe(n)/ voirs(creven) onder sijn ploech heeft gehoude(n) en(de) niet voirder zonder daer inne/ begrepen te sijne de lande die heyn doem vand(er) selver jouffr(ouwe) houden(de)/ es al wairt soe dat de voirs(creven) willem die somtijts mette(n) voirs(creven) goeden/ gewonne(n) mocht hebben Te houden te hebben en(de) te wynne(n) van halfm(er)te/ naistcomen(de) eene(n) t(er)mijn van xii jae(re)n lang v(er)volgen(de) Elx jairs dae(re)nbinne(n)/ elc boender vand(en) voirs(creven) wynnen(de) landen soe v(er)re die mate strect om en(de)/ voe(r) tweentwintich mol(evate) rocx goet en(de) payabel wel bereyt met wa(n)ne/ en(de) vede(re)n jairlix s(in)[t] andriesmisse apostels te betalen en(de) te loeven(e) te/ leve(re)n der voirs(creven) jouffr(ouwe) katheline(n) op desselfs wynne(n) cost en(de) last Ende/ tvoirs(creven) hof mette(n) bog(ar)de ende beemde d(aer) aen gelege(n) die de vors(creven) wille(m)/ oic [mede] gehoude(n) heeft jairlix d(aer)enbinne(n) om en(de) voe(r) acht rinsche guld(en)/ te xx stuv(er)s tstuc jairlix s(in)[te] mertensmisse te betale(n) der vors(creven) jouffr(ouwe)/ ka(theli)[ne(n)] de(n) vors(creven) t(er)mijn due(re)nde quol(ibet) ass(ecutu)[m] Met vorweerde(n) dat de vors(creven)/ wynne en(de) jouffr(ouwe) ka(theli)[ne] ten halve(n) tide van malcande(re)n sele(n) moige(n) sceide(n)/ Bij alsoe [dat] die ghene van hen die alsoe scheiden sal willen dat den ande(re)n/ een jair te voren sal mote(n) cundige(n) It(em) sal de voirs(creven) winne jairlix in/ afslaghe vand(en) vors(creven) pachte en(de) weyhue(re)n betale(n) de co(m)me(re)n h(ier) nae bescr(even)/ uute(n) vors(creven) goeden gaen(de) alsoe in tijts dat dair bij gheen schade opde/ selve goede gedaen en wordde en(de) ofter e(n)nige dair voe(r) op wordde/ gedaen bij gebreke van dien dat hij die soude mote(n) voldoen en(de) drag(en)/ Ierst den grote(n) heylige(n) geest te loven(en) xxv mudde(n) en(de) vi mol(evaten) rox It(em) den p(re)dike(re)n te loven(e) eenen sac rox en(de) vi mottoen(en) te xiiii pl(acken) tstuc/ It(em) dien van udeke(m) v cap(uynen) en(de) [vacat] d(enieren) It(em) loenise van bierbeke/[vacat] op datme(n) hen soe vele d(aer) op jairlix sculdich es/ Ende vorts des hem de vors(creven) jouffr(ouwe) meer bewijsen sal d(aer) uutgaen(de) soe/ v(er)re de(n) vors(creven) pacht en(de) weyhue(r) dit soude(n) conne(n) verstringe(n) It(em) sal de/ voirs(creven) wynne jairlix int voirs(creven) hof leve(re)n tweehondert en(de) vijftich/ / ocsel walme(re)n stroes om die opde huysinge ald(aer) te v(er)decken ende/ alsmen die aldair verdecken oft and(er)s van oude(n) wercke die/ huysinge ald(aer) rep(ar)e(re)n sal dan sal de wy(n)ne den wercliede(n) den/ montcost geve(n) en(de) leve(re)n tsijne(n) laste leem teen ben j arde(n) ende/ dacroede(n) dair toe behoeven(de) ende dyenen vanden leeme ende/d m(ijn) jouffr(ouwe) sal die dachue(re)n betale(n) Mair die wy(n)ne sal die/ huysinge ald(aer) houde(n) vand(en) und(er)ster rijkelen ned(er)weert tot sijnen/ laste It(em) alle strate(n) grechte(n) weghen ryolen en(de) wat(er)loepen om in/ oft aen de goede liggen(de) dieme(n) uut saken vand(en) vors(creven) goeden/ sculdich es te houde(n) ende te rep(ar)e(re)n sal de wy(n)ne houde(n) veghe(n)/ ruyme(n) en(de) rep(ar)e(re)n zijne(n) t(er)mijn due(re)nde soe in tijts dat de goede d(aer)/ bij niet beschadicht en wordde(n) want hij die soude mote(n) drage(n)/ ofter e(n)nige gebuerde It(em) die wynne en sal te(n) leste(n) drie jae(re)n/ gheen lande moge(n) hoervruchte(n) It(em) de wynne sal de lande/ zijnen t(er)mijn due(re)nde houden wynne(n) werve(n) en(de) meste(n) wel en(de)/ loflic gelijc reengenote(n) bove(n) en(de) benede(n) dat wel en(de) loflijc/ sculdich zijn te doene en(de) die late(n) tsijne(n) afsceide(n) alsoe hij/ die bevi(n)den sal Te wete(n) den wint(er)art wel en(de) loflic met wint(er)/ coirne besayt op vier getidege vore(n) de stortte en(de) brake eens/ o(m)me gedaen It(em) sal die voirs(creven) winne hebben tot sijnre berringhen/ behoif allet trunchout aende goede vallen(de) en(de) die ten hafteele heeft/ gegaen Ende ofter eenighe boome v(er)droechde(n) die sal hij moghen/ uutrode(n) en(de) voir elken weder setten twee leven(de) poote(n) vanden/ selve(n) arnde en(de) die verware(n) teghen die beeste(n) It(em) sal die voirs(creven)/ wynne allet stroe en(de) voest(er)inge vand(en) vors(creven) goede(n) comen(de) int voirs(creven)/ hof met sijne(n) beeste(n) mote(n) slijte(n) en(de) dat ald(aer) te meste beke(re)n en(de) tselve/ mest opde voirs(creven) lande mote(n) vue(re)n soe wel opde veerste als opde/ naeste tslants meeste(n) p(ro)fite sond(er) e(n)nige van dien elde(r) buyte(n) shoofs/ te moge(n) late(n) laten doen It(em) de wynne en sal die vors(creven) goede/ in al noch in deele nyeman(de) and(er)s van sijnd(er) hant voirt moigen/ / uutgeve(n) sonder (con)sent der voirs(creven) jouffr(ouwe) It(em) sal die voirs(creven) wynne jairlix/ zijnen t(er)mijn due(re)nde houden opt voirs(creven) goet drie viventwintich schape/ Ende alle dese vorweerde(n) (et)c(etera) Inde sunt fideiussores d(i)c(t)i coloni t(am)q(uam) debitores/ p(ri)ncipales indivis(im) egidius vand(en) dale fili(us) q(u)[o]nd(am) henr(ici) patrims d(i)c(t)i symo(n)is/ coloni (com)mor(ans) apud opvelpe et joh(ann)es ruyte(re) fili(us) q(uon)d(am) walt(er)i (com)mor(ans) apud/ vinckenbosch sub domino de heverle Quos ip(s)e colon(us) exinde p(ro)misit/ indemp(nem) relevare vos tybe octobr(is) xxv