Nae dien dat peter vanden bossche ten v(er)sueke henr(ix) mette(n)/ ghelde gestelt was in hachte(n) voir zeke(re) actien die de selve/ henr(ic) te hemw(er)t meynde te hebben voe(r) de welke de voirs(creven)/ peter als ghevanghen man in rechte bracht es geweest/ inde banck voir meye(r) ende scepen(en) van loven(en) om taenhoire(n)/ die ticht ende aensprake d(aer)voe(r) hem de selve henr(ic)/ hadde doen hachten ende he(m) d(aer) teghen met rechte te/ oppone(re)n Ende want hem de voirs(creven) henr(ic) dat gevuelende/ vande(n) rechte gekeert heeft en(de) ewech gegaen es sonder/ den selve(n) pete(re)n ticht oft aensp(ra)ke te geve(n) oft te doene/ meynen(de) alsoe den selve(n) in vanckenissen te houde(n) Soe/ heeft de voirscr(even) pet(er) v(er)socht in rechte dat hem ticht/ ende aensprake bijden voirscr(even) henr(icke) worden gegeve(n)/ oft dat hij ontslage(n) mocht worde(n) costeloes vand(er) selver/ hachte(n) Hoepen(de) dat dat sculdich wae(re) te gescien ende/ beg(er)de d(aer)op de scep(enen) gemaent te hebbe(n) dewelke d(aer)op t(er)/ manissen smeyers gewijst hebben met vo(n)nisse
//
eve(n)v(er)re de selve henr(ic) niet en compareerde te(n) opstane/ smeyers ende der scepen(en) dat dan de voirs(creven) pet(er) vand(en)/ voirscr(even) hachte(n) ontslage(n) soude zijn cor(am) scabinis in/ scampno nove(m)br(is) ix