It(em) jacop lesens sone wile(n) jacops en(de) henrick jans beyde/ wonen(de) te berthem in p(rese)ncia hebben genome(n) en(de) bekint dat/ zij genome(n) hebben teghen joh(ann)ese vander eycke(n) als p(ro)cur(eur)/ ende voirghenghe(r) des godshuys van corby de thiende geleg(en)/ te berthem over de zijde te winxele weert stuycken(de) tege(n) de groote thiende van berthem gelijckerwijs henrick/ lesens opden dach van heden houden(de) is Te houde(n) te/ hebben en(de) te gebruycken van sint jansmesse naestcomen(de)/ eene(n) t(er)mijn van xii jaren lang deen nae dand(er) zonder/ middel v(er)volgen(de) elx jaers d(aer)enbynne(n) om en(de) voe(r)/ sessenvijftich r(ijnsch) guld(en) tstuck te lx pl(a)c(ken) alle jae(re) vallen(de)/ half te kersmesse en(de) half tsint jansmesse baptiste(n) q(uo)l(ibet) ass(ecutu)[m]/ It(em) sulle(n) de voirs(creven) jacop en(de) henrick gehoude(n) zijn te/ betalen(e) jairlijx den voirscr(even) t(er)mijn due(re)nde de co(m)me(re)n/ en(de) lasten uuyt(er) voirscr(even) thiende(n) gaende gelijckerwijs/ de voirs(creven) henr(ic) lesens die jairlix betaelt heeft En(de)/ es vorweerde zoe v(er)re d(aer) e(n)nighe schade op ghinghe dat/ zij die betalen sulle(n) zoe dicwile dat dat gebue(re)n mochte/[It(em) de voirs(creven) p(ar)tien sulle(n) moege(n) sceyden te(n) halve(n) tide behalve(n) datme(n)t (½) jaer te voren seggen moet] It(em) es noch vorweerde dat de voirs(creven) pechtingher? de/ voirscr(even) thiende niet en sele(n) moeghe(n) va(n) hue(re)r hant voirts/ verhue(re)n noch uuytgeve(n) Item es condicie en(de) ond(er)sproke(n)/ soe v(er)re de voirs(creven) pechteners den voirscr(even) procur(eur) va(n)/ jae(re) te jae(re) niet en betaelden dat de selve p(ro)cur(eur) alsda(n)/ sal moegen de vorscr(even) thiende te hemw(er)t neme(n) en(de)/ oick dat de pechtinge va(n) onweerde(n) en(de) te nyeute/ zijn sal [soe v(er)re dat den p(ro)cur(eur) gelieft] Inde sunt fideiussores d(i)c(t)or(um) jacobi et henr(ici)/ jud(ocus) walt(erus) haveloes vineator (com)mor(ans) lovanii et jasp(er)/ lesens f(rate)r dicti jacobi (com)mor(ans) apud eghenhove(n) et/ duo p(ri)mi vync tybe dec(embris) ix