It(em) aert weers meye(r) he(re)n augustijns vande(n) borchove(n) ridders/ claus foelen meye(r) tsgodshuys va(n) p(er)cke jan corduaen meye(r)/ sprioers va(n) bierbeke jan de coste(re) meye(r) jacops de witte/ jacops vande(n) hove en(de) claus va(n) stakenborch in p(rese)ncia hebbe(n)/ gekint gehave(n) te hebben en(de) ontfange(n) vanden he(re)n canonicke(n)/ ende capellane(n) van sinte pet(er)s te loven(en) den p(ri)oir en(de) (con)ve(n)te/ vande(n) augustijne(n) te loven(en) [en(de)] felix bote alsulke(n) pontpe(n)ni(n)ghe/ als hen toebehoire(n) ende verschene(n) zijn beloepen(de) met seke(re)n/ overdrage ende mynlijcke ordinan(cien) tussche(n) p(ar)tien gemaect/ lx hollan(tsche) guld(en) te xvi stuv(er)s tstuck uuyt sake(n) vand(en)/ xxv hollan(tsche) guld(en) erflijck als [die] h(er) symon wile(n) py(n)nock/ ridder met (con)sente vr(ouwe) katlijne(n) wile(n) va(n) quaderebbe zijn/ medegeselli(n)ne hen gemaect en(de) in testame(n)te gelate(n) hadde(n)/ a(n)no lxiii junii xiiii d(aer) no(ta)r(is) af was meest(er) pet(er) bote/ scolaster te loven(en) op zeke(r) goede en(de) pande die zij/ liggen(de) hadden inde prochie(n) va(n) libbeke onder de heerlich(eit)/ voirscr(even) bekynnen(de) hen d(aer)af v(er)nuecht en(de) wel betaelt/ Scelden(de) volcomelijck quite vande(n) voirs(creven) pontghelde/ ende des d(aer)aen cleeft de voirscr(even) he(re)n capellane p(ri)or/ ende (con)ve(n)te vand(en) augustijne(n) en(de) felix bote en(de) alle/ ande(r) des quitan(cie) behoeven(de) cor(am) roelants berge(n) januar(ii)/ xiii