It(em) jan de haechmake(re) al(ia)s smet in p(rese)ncia heeft gehuert ende/ bekint gehuert te hebben tege(n) arnde hanckart als man ende/ mo(m)boir amele(n) couckeroul zijns wijfs wed(uwe) henr(ix) wile(n) nijs een/ stuck lants met eender schue(re)n alsoet gelegen es inde nuwestrate/ bij sinte qui(n)tens strate houden(de) omtrint (½) boender alsoet d(aer) geleg(en)/ es tussche(n) de goede jans nijs brueder svoirs(creven) wile(n) henr(ix) ter/ eende(r) zijden en(de) lod(ewijcke) va(n) tricht t(er) ande(r) Te houde(n) te hebben en(de)/ te wynne(n) vande(n) daghe va(n) ghiste(re)n dat halm(er)te was eene(n)/ termijn van vii jare(n) lanck vervolgen(de) elx jaers d(aer)enbynne(n)/ om ende voe(r) sesse r(yns) gulden(en) te xx stuv(er)s tstuck half te/ bamisse en(de) half te halfm(er)te jairlijx te betale(n) den voirs(creven) arnde/ den voirscr(even) t(er)mijn due(re)nde quol(ibet) ass(ecutu)[m] Met vorweerde(n) dat/ jan de voirs(creven) lande jairlijx zijne(n) termijn due(re)nde houden/ wynne(n) werve(n) en(de) meste(n) sal wel ende loflijck gelijck ree(n)genote(n)/ bove(n) ende beneden en(de) die laten tsijne(n) afscheyde(n) alsoe hij dat/ aenveerde tsijne(n) aencome(n) en(de) oft eenich van hen ten ynde/ vande(n) vii jare(n) scheyden woude vande(n) ande(re)n dat de/ ghene die scheyden sal willen dat den ande(re)n te vore(n) sal/ moete(n) cundighe(n) Voirt heeft hij bekint dat hij den voirs(creven)/ arnde noch sculdich es bove(n) desen van twee voirleden(en)/ jare(n) cor(am) roelants roelofs m(ar)tii xvii