Alsoe als voe(r) den rade vander stat come(n) zijn malc yeghe(n)/ ande(re)n her jacop fabri canonick der kerken va(n) sinte pet(er)s te/ luydick va(n) wege(n) en(de) als p(ro)cur(eur) d(er) cap(it)len ald(aer) in deen zijde en(de)/ jan esselin gehete(n) del me met bastijne zijne(n) sone die/ tande(re)n tijden te wete(n) int jair va(n) lix junii ult(ima) met scepen(en)/ brieve(n) va(n) loven(en) yege(n) he(re)n janne fabri insgelix canonick/ ald(aer) brued(er) des voirs(creven) he(re)n jacops ten erve genome(n) hebbe(n)/ de wat(er)mole(n) mette(n) huysen hove(n) en(de) alle(n) den toebeh(oirten) gelijc/ die gelege(n) es te couroit geh(eten) bockealmoulin gelijck en(de)/ also v(er)re een geh(eten) ph(ilip)s voirsete des voirs(creven) jans esselen/ die tande(re)n tijde(n) gehoude(n) heeft Ald(aer) de voirs(creven) h(er) jacop beg(er)de/ betalinge va(n) zeke(re)n acht(er)stellige(n) pachte die den voirscr(even)/ jan esselen den he(re)n alnoch sculdich en(de) tacht(er) was Dair/ yegen de voirs(creven) jan met zijne(n) sone seyden dat e(n)nighe/ vanden scepen(en) te couroit opde voirs(creven) moelen eyssche(n) te/ hebbe(n) ii halste(r) corens erflijck die zij in hue(re)n br(ieve) n(er)gens/ en bevi(n)den Meynen(de) dat de cap(it)le hen die afdoen soude(n)/ en(de) sculdich soude(n) zij(n) af te doene eer zij e(n)nige betalinge/ soude(n) moete(n) doen D(aer)op de voirs(creven) he(r) allig(er)de en(de) seyde/ wantme(n) inde voirs(creven) scep(enen) br(ieve) claerlijc bevint dat de voirs(creven) jan/ esselen de voirs(creven) mole(n) genome(n) heeft opde(n) last en(de) co(m)mer d(aer)uut/ gaen(de) te(n) behoirl(iken) tide te betale(n) gedragen(de) he(m) des totte(n) selve(n) br(ieve)/ dat hij en(de) zij(n) sone die(n) co(m)mer en(de) last sculd(ich) zij(n) te drage(n) en(de)/ niet de cap(it)le Soe w(er)t get(er)mineert bide(n) rade vand(er) stat met/ volle(n) gevolge dat de voirs(creven) jan esselen en(de) zij(n) sone als vand(en)/ voirs(creven) ii halste(re)n core(n)s die zij sculd(ich) zij(n) te drage(n) hen sele(n) moge(n)/ v(er)antwerd(en) inde banck dair de voirscr(even) r(e)sorte(re)n ald(aer) recht geve(n)/ en(de) nemen act(um) in pleno (con)s(ilio) oct(obris) xxi