Ende om hier toe te bat te come(n) soe heeft ter meerd(er) sekerh(eit)/ ende boven des voirs(creven) steet de voirs(creven) pet(er) bekint wettelijc/ vercocht te hebben den voirs(creven) janne alsulken c en(de) xxxv scape/ alse de selve pet(er) tegewoirdichlijc heeft en(de) houden(de) is/ Consente(re)nde willecoren(de) ende overgeven(de) hem dat hij/ die tallen tiden alst hem gelieft vercoope(n) penne weerden/ en(de) ten hoochsten bringe(n) sal moege(n) en(de) de pe(n)ning(en) d(aer)af comen(de)/ inde voirs(creven) lossinge beke(re)n Ende heeft gelooft de voirs(creven)/ pet(er) dat hij de schape wel en(de) getrouwelijc sond(er) minde(re)n/ arge(re)n oft ontvremden vueden houden ende verwae(re)n sal/ als zijne p(ro)pe(r) goede soe lange ende tot aen d(er)re tijt toe/ dat de selve jan die te he(m)weert sal wille(n) nemen en(de)/ vercoepe(n) cor(am) eisd(em)