SAL7371, Act: R°268.3-V°268.1 (591 of 736)
Search Act
previous | next
Act R°268.3-V°268.1  
Act
Date: 1478-04-18

Transcription

2020-01-29 by kristiaan magnus
Tusschen janne(n) mailh(er)be ende arnde m(er)celijs die beyde rentmeste(re)n/
zijn geweest vanden groote(n) gasthuyse te loven(e) te weten jan/
vande(n) jare lxxii lxxiii en(de) lxxiiii ende arndt vande(n) jae(re) lxxv/
ende lxxvi ende gescille hadden va(n) drie crone(n) de(n) gasthuyse/
/ gevalle(n) opde zonne inde scepstrate toebehoiren(de) he(re)n jacoppe/
uuyte(n) lyemi(n)gen ridder vanden jae(re) va(n) lxxv dwelck zoe/
he(re)n jacops rekenbroeck begrijpt betaelt was den voirs(creven) mailh(er)be/
en(de) arndt seyde hem toebehoiren(de) ende zijn yerste jae(r) te wesen(e)/
beg(er)de dairaf betaelt te wesen want hij van zijnen twee/
jare(n) niet meer dan deen gehave(n) en hadde Te wete(n) drie/
crone(n) ende alsoe quame(n) hem opde voirscr(even) drie crone(n) a(n)no/
lxxv als op zijn yerste jair gevalle(n) en(de) betaelt en(de) hem/
bijden voirs(creven) janne onthave(n) nae uuytwijse(n) he(re)n jacops/
rekenboeke Dair teghen jan seyde al mocht h(er)jacop/
in zijn rekenboeck hebben gescr(even) dat die drie crone(n) ware(n)/
betaelt a(n)no lxxvi ende gevalle(n) vande(n) jae(re) lxxv dwelc/
was arnts yerste jair soe en soude men nochta(n) niet/
bevi(n)den dat hij meer dan van zijne(n) drie jae(re)n de rinte/
hadde gehave(n) oft betaelt was oeck en was h(er) jacops boeck/
niet auctentijck Ende nae dien dat de stat des voirs(creven)/
he(re)n jacobs register in desen heeft doen visite(re)n ende/
het bevonde(n) is dat dat begrijpt dat mailh(er)be gehave(n) heeft/
drie crone(n) vande(n) jae(re) lxxiiii en(de) drie crone(n) vande(n) jaere/
lxxv de voirscr(even) arnt drie cro(nen) alleene vand(en) jae(re) lxxvi/
ende h(er)jacop cleerde dat hij voir djair va(n) lxxiiii gheen/
bewint vanden goeden en hadden gehadt Es duytsprake/
vander stat dat jan mailherbe sculdich soude zijn den voirs(creven)/
arnde over te geve(n) de drie crone(n) die hij vanden jae(re) lxxv/
hadde getoge(n) dwelck was desselfs arnts yerst jair/
ende oft de selve jan e(n)nich gebreck hadde van zijne(n) jaren/
dat hij dat volchde dair ende alsoe dat behoirt Act(um)/
p(rese)ntibus borch wynghe burg(imagistris) borch(oven) scab(ino) blanckart (con)silior(um)/
et plu(r)ibus aliis de consilio ap(ri)lis xvii
Contributorskristiaan magnus , Karel Embrechts
Moderated byKarel Embrechts
Last update: 2016-12-21 by kristiaan magnus