Vand(er) aenspraken die wout(er) coecx als man en(de) mo(m)boir/ katlijne(n) vand(en) kerchove docht(er) wilen wout(er)s vand(en) kerchove/ die hij hadde van katlijne(n) ty(m)mermans sijne(n) wive gedaen/ heeft op rutgheerde vand(er) molen als man en(de) mo(m)boir marien/ van raetshove(n) sijns wijfs wed(uwe) wouters wile(n) vand(en) kerchove/ welc wilen wout(er) wettich sone was der voirs(creven) wile(n) wout(er)s/ en(de) katlijne(n) ty(m)mermans sijns wijfs en(de) brued(er) der voirs(creven) ka(tlij)[ne(n)]/ vand(en) kerchove sae(n)leggers weerdinne Alse vand(er) selver/ katlijne(n) vand(en) kerchove rechte en(de) kintsgedeelte in vijf/ huysen metten hoven en(de) den toebehoirte(n) gelege(n) neve(n) een/ te loeven(en) inde derde orden(en) seggen(de) dat die goede d(er) voirs(creven)/ wile(n) katlijne(n) ty(m)mermans hue(re)r moed(er) gemaect en(de) gelaten/ wae(re)n in testame(n)te van pete(re)n wilen van wanghe en(de) dat/ zij alsoe als een vand(en) naeste(n) leven(de) en(de) gerechte dochter/ en(de) van getroude(n) bedde d(er) selver wile(n) katlijne(n) hue(re)r moed(er)/ inde selve goede ghericht wae(r) en(de) deel en(de) porcie behoirde/ te hebben nae den lantrechte P(rese)nte(re)nde dese en(de) meer ande(r)/ pointe(n) te thoene(n) wair he(m) die wordde(n) ontkint sustineren(de)/ oft hij dat gedoen conde dat he(m) sijns wijfs kintsgedeelte/ inde selve goede sculdich wae(r) te volge(n) bege(re)nde dair af/ scheydinghe en(de) deylinge soe dat behoorde Dair teghen/ de voirs(creven) rutg(er)t hem verantwerden(de) bekinde genoech allet/ vermet des aenlegge(re)n voirs(creven) mair sustineerde dat he(m)/ niet sculdich en wae(r) d(aer) af e(n)nich kintsgedeelte te volgen/ noch scheydinge noch deylinghe nae dat d(aer) toe was/ geschiet exhibe(re)nde en(de) dede lesen eene(n) scepen(en) brief vand(er)/ daet a(nn)[o] lxiii januar(ii) xvi d(aer) mede dat bleec dat de/ voirs(creven) ka(tlij)[ne] ty(m)mermans wed(uwe) svoirs(creven) wile(n) wouters als/ tochtersse en(de) de voirs(creven) ka(tlij)[ne] des voirs(creven) aenlegg(er)s wijf als/ erfwijf des(er) hue(re)r helicht en(de) alle huers rechts inde selve/ goede afgegaen was en(de) dies gederft hadden en(de) d(aer)inne/ behoirlijc gegoet den voirs(creven) wile(n) woute(re)n hue(re)n brueder die voirman
//
was van des voirs(creven) verweerders wive En(de) alsoe want dan/ den selve(n) wile(n) woute(re)n deen helicht van recht(er) orien ende/ versterffenissen toebehoirde en(de) dand(er) uut sake(n) vand(en) voirs(creven) vercrige/ meynde hij inde selve goede te blive(n) he(m) des getroesten(de) totten rechte/ Dair tege(n) de aenlegg(er)s luttel oft niet en wisten te seggen/ anders dan zij eene(n) mynlike(n) dach beg(er)den te leysten de/ verweerde(r) versueken(de) inder sake(n) tvo(n)nisse Es gewijst ter/ manissen smeyers dat de selve ae(n)leggers opde voirs(creven) goede/ met hue(re)n eyssche en(de) vortstelle verdoolt sijn cor(am) om(n)ib(us) scabinis/ in sca(m)p(n)[o] dempto hove febr(uarii) xii