It(em) meester jan van grousselt ca(n)nonick tsinte pet(er)s te loeven(en)/ renu(n)c(ians) en(de) henr(ic) vand(en) broechove(n) als p(ro)cur(eur)s jans vand(en) schore/ sone wile(n) arnts woenen(de) te diest gelijck alst blijct bijd(er) p(ro)cu(ra)c(ien)/ voir wet te loeven(en) gepasseert opden vi[ten] dach va(n) julio a(nn)[o]/ lxxvi in p(rese)ncia hebben gekint en(de) gelijdt bij wille weten(e)/ ende consente en(de) ten bijzijne jouffr(ouwe) m(ar)grieten van grousselt/ die wettich wijf is des voirs(creven) jans vand(en) schore weduwe/ gorts wile(n) van ghele van diest dat zij gehaven ende/ ontfange(n) hebben van wege(n) jorijs de hont wissele(r) ind(er) stad/ van loeven(en) alsulcken driehondert ryns guld(en) als de voirscr(even)/ jorijs opder stad wissel van loeven(en) gesedt heeft en(de) tot/ noch toe gestaen hebben tot behoef vand(er) voirs(creven) jouffr(ouwe)/ en(de) hue(re)n wettige(n) kinde(re)n die zij heeft vand(en) voirs(creven) wile(n)/ gorde van ghele als voir huer gedeelte int(er)est en(de) porcie/ van alsulcken huyse en(de) hove met zijnd(er) toebehoirte(n) gelege(n)/ te loeven(en) inde hoelstrate meest(er) ja(n)ne wilen va(n) grousselt/ doctoir in loyen vad(er) des voirs(creven) meest(er) jans en(de) jouffr(ouwe) m(ar)griete(n)/ toebehoiren(de) d(aer) inne de voirs(creven) jor(ijs) gegoet en(de) gevesticht is/ met scepen(en) brieve(n) van loeven(en) vand(er) daet xiiii[c] lxxiiii/ octobr(is) xxi Scelden(de) d(aer)af quite den voirs(creven) jorijse zijn goede/ en(de) alle ande(r) des quitan(cie) behoeven(de) vand(en) voirs(creven) driehondert/ ryns guld(en) en(de) voirt van al tgene des huer man oft zij/ anderssins den voirs(creven) jorijse uut saken van dien eysschen(de)/ souden moegen sijn in e(n)nig(er) wijs Geloven(de) d(aer) af den selve(n)/ jor(ijs) ne(m)mermeer aen te spreke(n) in gheene(n) rechte gheestelijc/ noch weerlijc in gheend(er) manie(re)n mair van des(er) quitan(cie)/ en(de) ontfange tege(n) eene(n)yeg(ewelke) recht warant te zijne en(de) te/ blive(n) tot ewige(n) dage(n) cor(am) borch(oven) boxh(oren) febr(uarii) xxi