SAL7371, Akte: R°211.2-V°211.1 (476 van 734)
Akte R°211.2-V°211.1
Act
Datum: 1478-03-06
Transcriptie
2018-05-15 door kristiaan magnusMet vorweerde(n) en(de) condicien in deser geheelder deylinge(n)/
ondersproken al eest dat vand(en) voirscr(even) goede(n) v(er)thidinghe/
es geschiet soe sal nochtan de voirs(creven) wille(m) blive(n) behouden(e)/
zijne(n) t(er)mijn due(re)nde te wete(n) va(n) sintjansmesse naestcomen(de)/
over een jair de hue(r) vanden voirs(creven) huyse geh(eten) den helm/
zoe hem dat bij zijne(n) mededeylde(re)n voirscr(even) geconsenteert/
es zonder dat de voirs(creven) jan de wed(uwe) oft hue(r) kinde(re) he(m)/
d(aer)aen stoot hinder oft letsel sele(n) moege(n) doen mair sal des(er)/
deylinge(n) en(de) v(er)thidingen niet tegenstaen(de) gestaen zijne(n) t(er)mij(n)/
due(re)nde met d(aer)af te betale(n) de jairlijcsche hue(r) gedragen(de)/
sestien pet(er)s te xviii stuv(er)s tstuck Welke hue(r) metgad(er)s/
den prouffijte(n) vanden ande(re)n goeden en(de) rinten van twee/
pet(er)s opde voute voirscr(even) soe lange de hueringe van/
desen huyse due(re)n sal tussche(n) hen te gelijcke gedeylt/
sulle(n) worden Sullen oick de selve hue(r) due(re)nde de
voirco(m)me(re)n uuyt alle(n) den selve(n) goede(n) gaen(de) en(de) de nootlijcke/
refectien dair toe refe behoeven(de) int gemeyne ende te/
gelijcke betaelt worde(n) Alsoe nochta(n) datme(n) bynne(n) middele(n)/
tijde der hueri(n)gen gheen ande(r) rep(ar)acie oft wercsuekinge/
e(m)mer aenden helm met zijne(n) toebeh(oirten) in p(re)judicie en(de) hinde(r)/
van willems hue(ri)ngen en sal moege(n) doen dan die/
houden van wande en(de) dake in redelich(eit) oft and(er)s dat d(aer)aen va(n) noode/
om die niet te late(n) v(er)valle(n) oft v(er)arge(re)n behoeve(n) soude moege(n) het en wae(re)/
dat de voirscr(even) wille(m) huerlinck dat anders oft voirder gestade(n) woude
//
bynne(n) den t(er)mijne zijnder hueringen Voirt sal den voirs(creven) willem(me)/ ten uuytgane zijnder hueringe(n) voldaen moete(n) werden vanden/ ghene(n) die den helm hebbe(n) sal al tghene des hij selve(n) d(aer)inne heeft/ doen make(n) en(de) becosticht va(n) gerieve oft and(er)s het zij dat dat/ nagelvast zij oft niet t(er) rechtv(er)diger waerh(eit) en(de) taxacie(n) vand(en) ghene(n)/ diet gemaect moege(n) hebbe(n) oft hen des v(er)staen sulle(n) zonder/ argelist zoe dat oick navolgen(de) den vorweerde(n) zijnder hueringe(n)/ bevorwert es Es noch bevorwert dat den voirs(creven) ja(n)ne vanden/ poele volge(n) sal alsulke(n) willige(n) hout alse der kerken van sinte/ pet(er)s te loven(en) geleent es cor(am) eisdem
//
bynne(n) den t(er)mijne zijnder hueringen Voirt sal den voirs(creven) willem(me)/ ten uuytgane zijnder hueringe(n) voldaen moete(n) werden vanden/ ghene(n) die den helm hebbe(n) sal al tghene des hij selve(n) d(aer)inne heeft/ doen make(n) en(de) becosticht va(n) gerieve oft and(er)s het zij dat dat/ nagelvast zij oft niet t(er) rechtv(er)diger waerh(eit) en(de) taxacie(n) vand(en) ghene(n)/ diet gemaect moege(n) hebbe(n) oft hen des v(er)staen sulle(n) zonder/ argelist zoe dat oick navolgen(de) den vorweerde(n) zijnder hueringe(n)/ bevorwert es Es noch bevorwert dat den voirs(creven) ja(n)ne vanden/ poele volge(n) sal alsulke(n) willige(n) hout alse der kerken van sinte/ pet(er)s te loven(en) geleent es cor(am) eisdem
Nagekeken door: kristiaan magnus , Karel Embrechts
Moderator: Karel Embrechts
Laatste update:: 2016-11-30 door kristiaan magnus