It(em) ter meerder sekerh(eit) van al des voirscr(even) steet hebbe(n) de/ voirscr(even) p(er)sone geloeft en(de) in stat van eede gesekert dat/ zij hen in gheene(n) tijden toecomen(de) tege(n) dese schult noch oick/ den vorweerden condicie(n) geluefte(n) en(de) obligacie(n) inde(n) voirs(creven) br(ieve)/ begripe(n) noch gheen va(n) dien bevrijen en sulle(n) met e(n)nigen/ dienste ons gened(ichs) he(re)n tshertoge(n) van orloghe(n) noch anders/ noch hier tegen behulp sueke(n) noch den pensionar(is) oft hue(r)/ actie hebbende molestacie noch belet doen met e(n)nigen/ mandemente(n) van bove(n) uuyt den hoge(n) oft ande(re)n raiden/ oft consistorien ons gened(ichs) he(re)n nu zijnde oft [die] namaels/ opgestelt sele(n) werden noch oick anders oft elde(r) in gheend(er)/ wijs tegen tvervolch dat de voirscr(even) pensionar(is) om tot/ voldoene en(de) den inhouden van hue(re)n brieve te come(n) doen/ sulle(n) moegen mair oft zij met rechte d(aer) tege(n) wouden/ doen oft allege(re)n dat zij dat alleenlijck sullen doen/ voir tgherichte te loeven(en) dair de brieve zijn gepass(er)t/ ende n(er)ge(re)ns eld(er)s cor(am) eisd(em)