It(em) willem de hane sone wijlen willems de hane woenen(de)/ tantwerpe(n) in deen zijde alijt weduwe svoirs(creven) wile(n) wille(m)s/ inden name van huer en(de) hue(re)n wettige(n) kinde(re)n die zij vande(n)/ voirscr(even) wijle(n) willem(me) behouden heeft die zij peter de hane/ en(de) jan straesborchs als mo(m)bore(n) der selver kinde(re)n h(ier) inne gelove(n) te v(er)vange(n) dat zoe wa(n)neer zij oft e(n)nich va(n) hen/ tot hue(re)n dage(n) come(n) sullen zijn dit tractaet sulle(n) accorde(re)n/ believe(n) en(de) gelove(n) va(n) weerde(n) te houde(n) in dande(re) Sij(n)/ samentlijck bij onderwijse va(n) e(n)nigen hue(re)n magen ende/ vrienden eensworden ende ov(er)come(n) als vand(en) bewijsseniss(en)/ en(de) vestich(eit) die de voirscr(even) wille(m) uuyt saken vander/ uuytspraken tusschen de voirscr(even) p(ar)tien gedaen voir/ scepen(en) van loven(e) xvii daghe in m(er)te lestlede(n) der/ voirs(creven) moeder ende kinde(re)n sculdich es te doen(e) va(n) xxxvi/ rinsche guld(en) te tsestich pl(a)c(ken) lopend(er) mu(n)ten tstuck/ erflijck der pointen vorweerden en(de) condicien h(ier)nae/ volgen(de) Te weten(e) inden yersten dat der voirs(creven) alijt/ der moeder ende hue(re)n voirs(creven) kinde(re)n toebehoire(n) sullen/ erflijck te weten(e) der moeder voir huer tocht en(de) den/ kinde(re)n voir hue(r) erflijch(eiden) inde stat der voirs(creven) bewijsseniss(en)/ en(de) vestich(eiden) vand(en) voirscr(even) xxxvi r(insche) gul(den) erflijck de/ goede chijse ende pachten hier nae volgen(de) Yerst/ een stuck lants houden(de) (½) boender geleg(en) inde p(ro)chie/ van sinte pet(er)s vissenake tussche(n) de goede vranx va(n)/ halle robbens zone op deen zijde en(de) de goede d(er) tafle(n)/ van thiene(n) op dande(r) Item een stucke lants houdende
//
tderdel van eene(n) boende(r) gelegen inde voirscr(even) prochie va(n)/ vissenake tusschen de goede reyners plueg(er)s op deene/ ende de goede des abts van sinte g(er)truyde(n) te loeven(e)/ op dande(re) Item een half boender lants geleghen inde/ voirscr(even) p(ro)chie tussche(n) de goede henrix velters op/ deene en(de) de goede vranx va(n) halle op dandere/ Item een boender lants gelege(n) ald(aer) acht(er) bombroeck/ tusschen de goede des abts va(n) sinte cornelijs op deene/ en(de) de goede d(er) tafele(n) va(n) thiene(n) op dande(re) Item/ tderdel va(n) eene(n) boender lants gelege(n) ald(aer) aende wij(n)g(ar)de/ tussche(n) de goede d(er) voirs(creven) tafele(n) va(n) thiene(n) op dee(n) zijde/ en(de) de goede willems dierix op dande(re) Item een/ half boender lants gelege(n) op wolmersheyde tusschen/ de goede jans va(n) oppendorp in tween zijde(n) Item een/ half dach(mael) lants geleg(en) opt selve velt tussche(n) de goede/ pet(er)s theeus op deen zijde en(de) she(re)n strate op dandere/ Item veertich roede(n) lants opde(n) belct tussche(n) de goede/ d(er) voirs(creven) alijt en(de) de goede willems cloest(er)mans Item noch/ vijf vie(re)ndeel lants gelege(n) op kerkemvelt tussche(n) tvelt/ geheete(n) belct op deene ende den harden bempt op dande(re)/ Item drie boende(re)n bempts gelege(n) te gu(n)ningen tusschen/ de velpe op deene dvliebroeck op dande(re) de goede/ mychiels vissenake op de derde en(de) de goede der tafele(n)/ sheylichs gheest va(n) loven(e) opde vierde zijden Item een/ dach(mael) bempts gelegen in pamels broeck tussche(n) de goede/ katlijne(n) kymps op deene en(de) de goede jans luyte(n) op dande(re)/ Item anderhalf dach(mael) bempts int selve broeck geleghen/ tussche(n) de velpe aldair Item eene(n) bempt geleghen/ te streke tussche(n) twee gemeyn strate(n) en(de) eene(n) bempt/ den oude(n) gasth(uyse) van thiene(n) toebehoiren(de) Item eene(n) bempt
//
gelegen te stadewijck tussche(n) de goede jans somer op/ deene en(de) she(re)n strate op dande(r) zijde Item een stuck/ bempts gelege(n) te kind(er)rode tusschen de goede alijt goesse(n)s/ en(de) de goede ja(n)nes raymake(re) Item een dach(mael) bempts/ gelegen te nederlynthe(r) beneden den ransberch tussce(n)/ de goerstrate en(de) de goede lijsb(etten) vernyden Item/ drie dach(mael) bosch gelegen inde prochie va(n) kercke(m)/ ter plaetsen geheete(n) ghinder dore tussche(n) de goede/ der voirs(creven) tafele(n) van thiene(n) op deene en(de) she(re)n st(ra)te/ op dande(r) zijde opden co(m)mer chijs en(de) last uuytde(n)/ voirs(creven) goede(n) gaen(de) Item twee en(de) een half mudde(n)/ core(n)s erfpachts d(er) mate(n) va(n) thiene(n) op een gelege met/ huyse(n) hove(n) en(de) den toebehoirte(n) d(er) weduwe(n) arnts/ fobelets geheete(n) berchs goede gelege(n) te stadewijck/ inde prochie va(n) bynckem tussche(n) de goede wouters/ kempene(re)n erfgename(n) en(de) de goede d(er) kinde(re)n henrix/ gheloys in beyde(n) zijden Item xvi mol(evate) rox erfpachts/ op eene(n) weetmole(n) gelege(n) te hug(ar)den neve(n) she(re)n st(ra)te/ It(em) iiii cap(uyne) een half mudde even(en) en(de) eene(n) pe(n)ni(n)ck erfs/ chijs en(de) pachts op een huys en(de) hoff der kinde(re)n/ reyners wijle(n) pauwels gelege(n) te guetrode inde p(ro)chie/ van libbeke It(em) vi cap(uyne) erfchijs vercrege(n) tege(n) henr(icke)/ wile(n) reers op zeke(re) goede gelege(n) te wervelt Item/ es vorw(er)de en(de) heeft de voirs(creven) wille(m) geloeft der voirs(creven)/ moed(er) en(de) hue(re)n kinde(re)n oft in e(n)nige(n) tijde(n) toecomen(de) zij/ e(n)nich gebreck hadde(n) aende pachte(n) en(de) chijs(en) voirs(creven) in/ dien dat de panden dair die op besedt zij(n) niet/ goetgenoech en ware(n) oft dat oick den voirscr(even) chijs/ niet en gedroege xxiiii st(uvers) sjairs dat hij dat gebreck/ der voirs(creven) moeder en(de) kinde(re)n oprichte(n) sal ende d(aer)voe(r)
//
innestaen tot eeuwige(n) dage(n) Item es voirt vorw(er)de/ oft in e(n)nigen tijde(n) toecomen(de) de voirs(creven) moeder en(de)/ hue(r) kinde(re) oft erfg(enamen) met rechte e(n)nichssins worden/ bestadicht uuyt sake(n) van te moete(n) hulpe(n) houde(n) eene/ brugge geleg(en) inde voirscr(even) prochie va(n) vissenake(n) opde/ velpe neve(n) de voirscr(even) drie boende(re)n bempts gelege(n)/ te gu(n)ni(n)gen dat hij hen dat letsel tot hue(re)r manissen/ afdoe(n) sal met alle(n) coste(n) en(de) laste(n) die zij d(aer)om souden/ moege(n) lijden Ter ande(r) zijden heeft gekint en(de) gelijdt/ de voirs(creven) alijt de moeder inde(n) name va(n) huer en(de)/ hue(re)n voirscr(even) kinde(re)n die zij en(de) de voirs(creven) mo(m)bore(n) tot/ dese(n) geloeft hebbe(n) te v(er)vange(n) dat de voirs(creven) wille(m) de/ hane hen met des voirs(creven) es volcomelijck geheelijck/ en(de) al voldaen heeft en(de) te volle(n) gecontenteert vand(en)/ sessendertich r(insche) gul(den) erflijck die de voirs(creven) wille(m) der/ voirs(creven) moeder en(de) hue(re)n kinde(re)n sculdich was met oick/ vand(en) vestich(eit) en(de) bewijssenisse(n) va(n) dien desgelijx/ va(n) alsulke(n) xxxvi r(insche) g(ulden) eens die de voirs(creven) wille(m) der/ voirs(creven) wed(uwen) en(de) hue(re)n kinde(re)n sculd(ich) was uuyt sake(n)/ d(er) uuytsp(ra)ke(n) voirs(creven) geloven(de) he(m) noch zijne(n) erfg(enamen) d(aer)af/ ne(m)m(er)meer ae(n) te spreke(n) te vexe(re)n noch te moeyen in/ gheene(n) rechte gheestelijck noch weerlijck bij he(m) selve(n)/ noch bij nyemande and(er)s sed war(andizare) cor(am) prout cor(am)/ opp(endorp) hanckart julii xxviii