Item vrouwe yde van suetendale p(ri)ory(n)ne jouffr(ouw) g(er)truyt/ van belanden(en) en(de) katlijne va(n) loven(en) professe en(de) (con)ve(n)tuale/ des godshuys van tshertoge(n) eylande bij ghempe in p(rese)ncia/ hebbe(n) gekint en(de) gelijdt va(n) wege(n) des voirscr(even) godshuys/ dat hen mids der vestich(eit) van acht hollan(sche) gulden(en) erffelijck/ die ons jasp(er) van ov(er)wynghe gedaen heeft voir scepen(en)/ van loven(en) ix dage in m(er)te lestlede(n) en(de) mits den afleggen(en)/ van vier hollan(sche) gulden(en) erflijck die de selve jasp(er) ons/ in ghereeden pe(n)ni(n)gen heeft uuytgereyct en(de) volcomelijc/ betaelt dat oick de panden d(aer)op tvoirscr(even) godshuys/ hadde ende heffende was twintich guld(en) r(yns) g(ulden) erffelijck/ alle jae(re) te kersmesse te betale(n) met scepen(en) brieve(n) van/ loven(en) vander daet xiiii[c] xl xviii daghe in oechst aen en(de)/ op de goede h(ier)nae bescreve(n) Te weten(e) yerst de hofstaden/ mette(n) hove bog(ar)de lande bempde(n) weyden en(de) alle(n) ande(re)n zijne(n)/ toebehoirte(n) houden(de) int geheele sesse boende(r) luttel min oft/ meer geleg(en) toverwynghe bij de strate geheete(n) de quadestrate/ ald(er)naest den goede(n) wout(er)s van wynge des jonge(n) It(em) drie/ boend(er) en(de) een half lants geheete(n) de langstreke geleg(en) bijde/ h(er)strate tussche(n) de goede denijs inde brouc en(de) claus geheete(n)/ vande(n) opstalle Item (½) boender lants gelege(n) acht(er) ov(er)wynge tussche(n) de goede henr(ix) cordewae(n) en(de) de goede lijsbette(n) geh(eten)/ vande(n) broecke It(em) (½) boender lants gelege(n) onder den brymberch/ tussche(n) de goede dyonijs inde broucq en(de) de goede jans van/ breyeshem Item een dach(mael) lants gelege(n) ten opstalle/ tusschen de goede jans va(n) ov(er)wynghe en(de) de goede katlijne(n)/ vranx It(em) drie dach(mael) lants gelege(n) ald(aer) [tusscen] katlijne(n) vranx/ en(de) de goede d(er) tafele(n) des heylichs gheest van wynghe/ It(em) vijf dach(mael) boschs geh(eten) de wolf gelege(n) ald(er)naest den goede(n)/ wout(er)s van schibbeke It(em) drie dach(mael) lants gelege(n) ter locht/ in drie stucken tusschen den driesch geh(eten) den tolm(er)riesch
//
ende de plaetse geheete(n) locht It(em) vijf dach(mael) lants gelege(n)/ ald(aer) tussche(n) de h(er)strate en(de) arnts molne(re) It(em) (½) boender/ lants gelege(n) opde(n) le(m)mensborne ald(er)naest den goede(n) jans/ de rode It(em) een stucke ond(er) bosch en(de) weyde(n) geleg(en) inde/ bellenshoeve tussche(n) de goede wout(er)s van wynge ende/ arnts va(n) wynghe schoe(n)makers It(em) (½) dach(mael) weyde(n) geleg(en)/ inde strixhoeve tussche(n) de goede goloy geh(eten) spape(n) ende/ de goede gerarts geheete(n) leeman It(em) een stuck lants geleg(en)/ ald(aer) inde strixhoeve tussche(n) de goede desselfs g(er)ts leman en(de)/ de goede d(er) kinde(re)n frissens wile(n) vande(n) bossche It(em) een cleyn/ stuxken lants gelege(n) ald(aer) tussche(n) de goede d(er) voirs(creven) kinde(re)n/ frissens vand(en) bossche op beyde den zijden It(em) vier scellinghe/ iiii d(enieren) eene(n) o en(de) twee cap(uynen) outs chijs en(de) vii l(i)b(ra) en(de) x s(cellingen)/ jairlix chijs gemeynlijck in borse(n) gaen(de) ende oick vii halste(r)/ even(en) erfpachts mette(n) rechte en(de) heerlich(eit) en(de) ande(re)n goeden/ ald(aer) bij liggen(de) Voe(r) de selve xx r(yns) guld(en) niet solvent/ noch goetgenoech en ware(n) bijde(n) voirscr(even) jaspe(re)n volcomelijck/ geheelijck en(de) altemale afgelost en(de) gequete(n) is de voirs(creven)/ rinte van xx r(yns) guld(en) tsjaers met alle(n) acht(er)stellige(n) pachte(n)/ va(n) dien opde selve rinte va(n) xx r(yns) guld(en) tot behoeff/ des voirscr(even) jasp(er)s behoirlijck v(er)thien(de) en(de) renu(n)cie(re)nde/ Geloven(de) den selve(n) jasp(er) noch zijn goede voirs(creven) d(aer)aff/ ne(m)m(er)meer aen te spreke(n) te vexe(re)n noch te moeyen in/ gheene(n) rechte gheestelijck noch weerlijck mair va(n) des(er)/ ky(n)nissen tege(n) eene(n)yegelijcken recht wara(n)t te zijne en(de)/ te blive(n) tot eeuwigen dage(n) Geloven(de) voirt den voirscr(even)/ jasp(er) altijt genoech te doene en(de) voirder vestich(eit) oft/ de selve jasp(er) die beg(er)de oft behoefde en(de) oick ov(er)leve(re)n/ alle br(ieve) gescrifte(n) en(de) munime(n)ten die tvoirscr(even) godsh(uys) hebbe(n)/ mach der voirs(creven) rinte(n) va(n) xx r(yns) g(ulden) oft de(n) ond(er)pande(n) d(er) selv(er)/ e(n)nichssins ae(n)gaen(de) en(de) al t(er) maniss(en) des vors(creven) jasp(er)s p(ro)ut opp(endorp) lind(en)/ maii iiii