Vander questien die voe(r) den rade vander stat come(n) es tussche(n)/ lijsbetten hoebroex met jacoppe d(er) moeyen hue(re)n borghe/ t(er) eender zijden en(de) ja(n)ne de briede(re) t(er) ande(re) aldair de/ selve jan de briede(re) beg(er)de voldae(n) te zijne va(n) zekeren/ t(er)mi(n)acien en(de) uuytspraken vander stat te twee male(n) geg(even)/ dyerste septembr(is) xviii en(de) dande(r) no(vem)[br(is)] xxii beyde lestled(en)/ voir tvoldoen van welker lest(er) t(er)mi(n)acien de voirs(creven) jacop/ der moeyen borge bleve(n) was en(de) gesproke(n) hadde oft/ d(aer) voe(r) den voirs(creven) jacoppe in hachte(n) te hebben(e) Dair tege(n)/ de voirs(creven) lijsbeth t(er) p(rese)ncien vand(en) voirscr(even) jacoppe huere(n)/ borge v(er)antweerden(de) ov(er)gaf een cedulle d(aer) inne soe/ zij seyden begrepe(n) en(de) gespecificeert stonden alle de/ porceele(n) van goeden die zij om die t(er)mi(n)acien te voldoen(e)/ sculdich was ond(er) wet te bringe(n) totte(n) rechte en(de) ware(n)/ e(n)nige van dien bij hue(r) v(er)cocht namelijck eene(n) zwerte(n)/ tabbairt met le(m)me(re)n eene(n) le(m)me(re)n pels eene(n) groene(n) capruyn/ met eene(n) tote eene(n) weke(n) zetel eene(n) waelpuypot twee/ co(m)mekens eene(n) wijnpot om drie r(yns) gul(den) te xx st(uvers) tstuck/ en(de) iiii st(uvers) die welke zij om der t(er)mi(n)acien genoech te/ zijne onder de wet hadde gestelt ende ande(r) die noch/ in wesen(e) ware(n) onv(er)cocht namelijck een dobbel huyke met
//
witten gevoedert eene(n) wijnpot twee co(m)mekens een/ sausier en(de) eene(n) kendele(r) p(rese)nteerde zij t(er) stont oick ond(er)/ de wet te sette(n) en(de) totten rechte p(rese)nte(re)nde hue(re)n/ eedt dat zijt(er) niet meer gehadt en heeft noch/ ae(n)veert noch af getoge(n) vand(en) voirs(creven) v(er)cochte(n) p(or)ceele(n)/ dan de voirs(creven) iii r(yns) g(ulden) iiii st(uvers) hopen(de) d(aer)mede/ te gestane en(de) de voirs(creven) t(er)mi(n)acie voldae(n) te hebbe(n)/ en(de) dat hue(r) borge d(aer) af ontslage(n) soude worden/ Op dwelck de voirs(creven) lijsbeth geadmitteert zijnde tot/ hue(re)r eedt es dies volcome(n) en(de) d(aer)entende(n) es/ uuytgesproke(n) dat zij nae tvolcome(n) met voldoene/ van hue(re)r p(rese)ntacien in dien soude gestaen in co(n)silio/ op(idi) ip(s)o sabbati julii xxvi