Item henrick vander heerbrugghe(n) ende gheert clamets beyde/ scepenen jacops van raveschote in zijne(n) hove te wespel(air)/ hebben getuycht dat zij dair bij aen ende over hebben/ geweest als scepen(en) desselfs jacops dair de selve jacop/ inde(n) jae(re) xiiii[c] lxxv xxiiii dage inde maent va(n) meerte/ nae costume des hoefs van brabant opdroech met/ rechter verthienissen die goede hiernae bescreven al te/ wespelair gelege(n) Inden yersten tgroot boender/ bempts gelegen int hulserbroeck mette(n) eene(n) ynde/ opde leygrecht ende mette(n) ande(re)n aen dbroecvelt ter/ zijden henrix daneels goeden Item een half boend(er)
//
eeussels in die maelst gelegen aen jans wilen huens/ goede nu zijnder kinde(re)n Item drie vierdel boschs/ gelege(n) inde selve maelst comen(de) aende waterloo ende/ aender kinde(re)n huens goede Item tderdel van eenen/ boende(r) lants op dmisseghem velt gelege(n) comen(de) metten/ ynde op die waterloo tussche(n) de goede bertelmeeus/ kymps ten beyden zijden Item onderhalf dach(mael) lants/ daer aen geleg(en) comen(de) opdie wat(er)loo mette(n) ynde It(em)/ een half dachmael lants op tselve velt va(n) misseghem/ dat pet(er)s ty(m)merma(n)s was bijdes voirscr(even) jacops goede/ gelegen It(em) onderhalf dach(mael) lants aldair gelege(n) dat/ willems hoevene(n) plach te zijne oick comen(de) op die/ wat(er)loo mette(n) ynde ende bijdes selfs jacops goede/ It(em) twee en(de) [i] half dach(mael) lants gelege(n) aende hoghe/ loepse tussche(n) des selfs jacops goede ende d(er) wed(uwe)/ cuyp(er)s comende aen jan g(er)ts goede Item een dach(mael)/ lants op dbroecvelt gelege(n) ae(n) tgat tussche(n) arnts lobs/ wile(n) goede ende baud(ewijns) goede vander berct It(em) ond(er)half/ dach(mael) lants op telve velt gelegen lanx aenden wech/ tegen der provende(n) goet van wespelair comen(de) ae(n)des/ selfs jacops goede gelijc men de voirscr(even) goede va(n)d(en)/ voirscr(even) hove van wespelair des voirscr(even) jacops/ houdende es Ende dat tot behoef he(re)n en(de) meester/ henr(ix) vyncke docteurs in medicinen ende als zijn/ pant ende onderpant va(n) vi r(yns) guld(en) te xx stuv(er)s tstuck/ erflijcker rinte(n) alle jae(re) opden xxiiii[te(n)] dach va(n) m(er)te/ te betale(n) den selve(n) meest(er) henr(icke) en(de) zijne(n) erve(n) ende/ nacomeling(en) los vry ende co(m)merloes va(n) alle(n) co(m)me(re)n/ lasten beden settinge(n) en(de) alle(n) ande(re)n laste(n) hoedanich die/ zijn ende dair alsoe de selve meest(er) he(n)r(ic) in die rinte en(de) opde/ voirg(eruerde) goede en(de) pande behoirlijck gegoet en(de) gegicht wert/ nae des voirs(creven) hoefs recht en(de) bij volcomen(en) manisse(n) vand(en) meye(r)
//
des voirs(creven) jacops en(de) wijsdo(m)me va(n) zijne(n) voirs(creven) scep(enen) gheen point va(n)/ rechte acht(er)gelate(n) Behalve(n) elke(n) zijne(n) rechte dier voir recht aen/ hadden zonder dies gederft hebbe(n) Met vorw(er)d(en) dat de selve jacop/ de voirs(creven) rinte va(n) vi r(yns) g(ulden) erflijck losse(n) en(de) quite(n) mach vand(en)/ voirs(creven) xxiiii[te(n)] dage va(n) m(er)te a(nn)[o] lxxv bynne(n) drie jae(re)n d(aer)na v(er)volgen(de)/ en(de) niet lang(er) elke(n) guld(en) d(aer)af met xviii gelike(n) gul(den) en(de) met/ volle(n) rinte(n) Geloven(de) de selve jacop de(n) voirs(creven) meest(er) henr(icke) va(n)d(en) voirs(creven)/ goeden en(de) rinte(n) alt(oes) genoech te doene Wair hij he(m) d(aer)inne yet te nauwe/ hadde gedae(n) en(de) de selve goede te wete(n) dyerste stuck op i d(enier) loven(sch)/ tweeste op i d(enier) lov(ensch) tderde op i(½) d(enier) lov(ensch) tvierde op iii d(eniere) lov(ensch) v[te] op v d(eniere) lov(ensch)/ vi[te] op iii d(eniere) lov(ensch) vii[te] op iii d(eniere) lov(ensch) viii[te] op iiii d(eniere) lov(ensch) ix[te] op ii d(eniere) lov(ensch)en(de) dleste/ op i d(enier) lov(ensch) t(am)q(uam) prout Hebbe(n) voirt getuycht dat zij ynsgelix d(aer)bij/ aen en(de) ov(er) hebbe(n) geweest als scep(enen) svoirs(creven) jacops in zijne(n) voirs(creven) hof dair/ de selve jacop op heden dat(um) sbr(iefs) wed(er) opgedrage(n) en(de) halmelijck v(er)tege(n)/ heeft alle de voirs(creven) p(ar)cele(n) va(n) goede(n) tot behoef svoirs(creven) meest(er)/ henr(ix) en(de) als zijn pant en(de) onderpant va(n) ii crone(n) te xxiiii stuv(er)s/ tstuck erflijcker rinte(n) jairlix sinte m(ar)griete(n) dage xiii julii vall(ende)/ en(de) te betalen de(n) voirs(creven) meester henr(icke) en(de) zijne(n) nacomelinge(n)/ los vry ende co(m)merloes va(n) allen lasten bede(n) subve(n)cien uts(upra)/ Ende dair de voirscr(even) meest(er) henr(ic) inde voirg(eruerde) rinte opde voirg(eruerde)/ goede en(de) pande behoirlijck gegoet en(de) gegicht w(er)t nades voirs(creven)/ hoefs recht en(de) bij volcomen(en) manisse(n) va(n) des voirs(creven) jacops meye(r)/ en(de) vo(n)nisse en(de) wijsdo(m)me d(er) voirs(creven) zij(n)der scepen(en) ghee(n) point/ va(n) rechte acht(er)gelate(n) Behalve(n) oick elken and(er)s zijne(n) goeden/ rechte dier voir recht ae(n)hadde zonder dies gederft heeft/ Met vorweerden dat de selve jacop dat de selve jacop dese/ rinte van twee crone(n) erflijck sal moege(n) losse(n) quite(n) en(de) aflegge(n)/ vand(en) voirs(creven) xiii dage julii lestled(en) bynne(n) drie julii d(aer)nae/ v(er)volgen(de) en(de) niet lange(r) met xxxvi gelik(er) cro(nen) en(de) met volle(n)/ rinten Geloven(de) deselve jacop den voirs(creven) m(eester) henr(icke) oick vand(en)/ selve(n) goede(n) en(de) rinten alt(oes) genoech te doen(e) si q(uid) et war(andizare) ead(em)/ bo(na) uts(upra) t(am)q(uam) p(ro)ut Van welk(er) rinte(n) va(n) vi r(yns) g(ulden) en(de) ii cro(nen) die/ voirs(creven) jacop oick zeke(r) eygengoede te vilvoerde(n) geleg(en) te/ pande geset heeft en(de) sculd(ich) es te sette(n) Quiq(ui)d(em) scab(ini) p(re)dicti p(rem)issa/ om(n)ia in p(rese)ncia rogan(tes) quod faciu(n)t hanckart hove/ septembr(is) xvii