It(em) want inder voirs(creven) contu(m)acien mede begrepe(n) was/ jan va(n) vorspoel soe meynde de voirs(creven) henr(ic) va(n) cuyct/ dat hem en(de) zijnder leveringen de goede die die selve/ va(n) vorspoele besete(n) hadde inde(n) vo(n)nisse begrepe(n) volge(n)/ soude soe v(er)socht jan van ost uuyt p(ro)cu(r)acien die/ hij hadde voir wet alh(ier) vand(en) selve(n) ja(n)ne va(n) vorspoele
//
onder ons staende ende meynde bij brieve(n) oick va(n) onschoudt/ die des voirs(creven) jans van vorspoele huysvrouwe aende/ stat gescr(even) hadde dat zijn sake soude worde(n) gestatert/ tot zijnder wed(er)compst vand(en) reyse(n) d(aer) hij gerede(n) was/ in yngelant in dienst ons(er) gened(ichs) v(r)[o](u)we(n) Vand(en) welke(n)/ de voirs(creven) henr(ic) van cuyct hielt de (contra)rie meynen(de)/ mede voe(r) t(er)m(in)acien dat de voirs(creven) jan van ost p(ro)cur(eur)/ die(n) voe(r) inder selver t(er)mi(n)acien va(n) wege(n) des voirscr(even)/ van voirspoele hadde geageert der selv(er) t(er)mi(n)acien/ genoech zijn soude en(de) zijne(n) koese doen Ende/ dat w(er)t get(er)mineert dat de selve jan va(n) ost/ alsoe doen soude die t(er) stont ae(n)nam en(de) koes mette(n)/ ande(re)n p(ar)tien voirs(creven) restitucie mede vand(en) voirs(creven) coste(n)/ te doene en(de) oick alsoe de co(n)tu(m)acie vand(en) voirs(creven)/ van voirspoele te purge(re)n

Hier nae volcht de cop(ie) vander/ p(ro)cu(r)acien m(eester) jans vand(en) ghoe(re)/ Allen den ghenen die dese l(ette)ren sullen zien oft hoire(n) lesen/ borg(er)meeste(re)n scepen(en) en(de) raide vander stad va(n) antwerpe(n)/ saluyt Wij doen te weten(e) en(de) certifice(re)n voer de gerechte/ waerheyt dat opten dach va(n) heden voe(r) ons come(n) is/ brueder jan va(n) sinte g(er)truydenberghe pater des goidshuys vand(en)/ chartroysen buyten antwerpen inden name vande(n) selve(n) goidshuyse/ en(de) oic als gemechticht vanden oppersten goidshuyse vanden/ chartroysen in savoyen gelegen en(de) heeft wettelijc mechtich/ gemaect en(de) in zijn stede gestelt maect wettelijc machtich en(de)
//
stelt in sijn stede met desen brieve meester jacope poortvliet woenen(de)/ tot mechelen meester ja(n)ne vand(en) ghoe(re) her cornelijse va(n) ouwen/ capellanen tonser vrouwen tantwerpen her laureyse draeyselee(re)/ priester toostmalle ja(n)ne dra[e]yselee(re) zijne(n) brueder h(er) jacoppe/ breyn oic priester woenen(de) te loeven(en) brueder laureyse van/ middelborch bruede(re)n ja(n)ne van delft en(de) clause buys va(n) bruessele/E O(m)me alle der voirs(creven) twee goidshuysen chijsen rinte(n) pachten/ sculden resten en(de) gebreken welkerhande die wesen moegen/ diemen den selve(n) twee goidshuysen nu sculdich en(de) tachter is/ oft naemaels sal worden waer dat het zij Te heysschene te/ manene optebue(re)n inne te neme(n) en(de) tontfane ende voirt alle/ huer ande(r) saken die zij nu inden rechte en(de) dair buten het zij/ in aenleggene oft in verantwoerdene te doene hebben en(de) noch/ te doen hebbe(n) selen moege(n) Tachtervolgene te vorde(re)n te bedinge(n)/ en(de) te verantwoerdene rechte hier af te gevene en(de) te nemene/ composicien te makene quitancien te verlidene eenen oft/ meer ande(r) personen in huer stede te stellene en(de) te substitue(re)ne/ de selve en(de) gelike macht hebbende o(m)me oec te moege(n) doene alle/ tghene dat voirscr(even) is en(de) die wedero(m)me revoce(re)n en(de) afstellen/ alsoe dicke en(de) menichwerve(n) als hen gelieve(n) sal Blivende niet/ te myn dese jegenwoerdige principale macht altijt in hue(re)n/ vollen virtute crachte en(de) weerden en(de) voirt allet ghene/ dair mede te doene en(de) te hante(re)ne het zij metter my(n)nen/ oft metten rechte dat hij brueder jan voirs(creven) selve present/ ende voer oegen wesende doen soude moege(n) Geloven(de) in/ goeden trouwen de selve brueder jan te houdene goet vaste/ gestentich en(de) van weerden tallen daigen alle tghene dat de
//
voirs(creven) gemechtichde oft huer gesubstitueerde tsamen oft elc/ bijsunde(r) hier inne doen hante(re)n en(de) vervolgen selen sonder dair/ jegens te doene oft te doen doene in e(n)niger manie(re)n Behoudelic/ dien dat zij hem hier af selen moete(n) doen goede wettige/ rekeni(n)ge en(de) bewijs altijt als hij brueder jan voirs(creven) dat beghee(re)n/ sal en(de) dat zij den voirs(creven) twee goidshuysen niet en sele(n) moege(n)/ onterve(n) ende gedue(re)nde dese voirs(creven) macht tes voirs(creven) brueders/ jans wederseggene en(de) niet lange(r) sonder fraude oft argelist/ En(de) des torconden hebben hebben wij borg(er)meeste(re)n scepen(en)/ en(de) raide voirg(eruert) den segel ten saken der stad van antwerpen/ aen dese lette(re)n doen hangen Gegeve(n) opten neghene(n)twintichste(n)/ dach van december int jaer ons hee(re)n alsmen screef duysent/ vierhondeert en(de) sevenentseventich na scrive(n) shoefs van/ camerijke aldus geteekent opde plike e de palude

H(ier)nae volcht de cop(ie) vand(en) p(ro)cu(r)acien/ henr(ix) boels al(ia)s de kempene(re)/ Wij scepen(en) van duffele doen te weten(e) dat voer ons come(n)/ is in sijnen properen p(er)sone henric boels die men heet die/ kempene(re) seggende hoe dat hij in rechte betrocken wae(r)/ voer meye(r) en(de) scepen(en) der goeder stad va(n) loeven(en) van eenen/ geheete(n) henrick va(n) cuyct oft zijne(n) gemechtigen ende/ woude dair o(m)me aengesien dat hij niet starc en is/ noch wel gereysen en can mechtich maken en(de) maecte mechtich/ inder bester vorme(n) en(de) manie(re)n dat dese zijne macht lat/ best stad gripe(n) mochte de eerbae(re) en(de) voersienige meeste(re)n
//
jan van winckele gielijs roesele(re) willem va(n) beeke jan van ost/ en(de) jan van borre en(de) elken van hen bijsonder Met vorwerden/ soe wes deene van hen beghint dat dat dande(r) middelen/ en(de) vollinden mach om zijn recht te verantworden zijn sake/ te bescudden getuygen leyen oft noot wae(r) brieve produce(re)n/ vo(n)nisse heysschen recht geve(n) en(de) nemen inden name des/ voirg(enoemde) henricx en(de) allet dat te doen(e) dat de voirg(enoemde) henrick/ selver soude moege(n) doen oft hij dair selver in p(rese)ntien wae(r)/ Geloven(de) de voirg(enoemde) henrick voir ons scepen(en) voirg(enoemt) goet vast/ en(de) van weerden te houden(e) tghene dat bijden voirg(enoemde) zijne(n)/ gemechtige(n) en(de) elken van hen gedaen sal worden in sijnder/ saken voirs(creven) in orconden der waerheyt en(de) ten versueke/ vand(en) voirg(enoemde) henrick Soe hebben wij scepen(en) voirg(enoemt) onsen/ gemeyne(n) segel hier aen gehangen gedaen int jair ons/ hee(re)n doen men screef duysent vierhondert seven ende/ tseve(n)tich in decembr(is) den iersten dach