SAL7371, Akte: V°164.2-R°165.1 (368 van 734)
Akte V°164.2-R°165.1
Act
Datum: 1478-01-30
Transcriptie
2019-12-10 door kristiaan magnusOpt geschille dat voe(r) den rade vander stadt quam tusschen/
lodewijcke lorain aenlegge(r) in deen zijde ende lambeert doufay/
ende pierart le bastaert als procur(eur)s vanden dorpe van sinte/
andries berghe zoe zij bewijsen bij c(er)tificacien d(er) scepen(en) ald(aer)/
verweerders in dande(re) overmits dat de voirscr(even) lodewijck/
die tande(re)n tijden de sake vanden voirs(creven) dorpe besorcht v(er)antw(er)t/
ende gevolcht hadde zoe voe(r) den prince zoe voe(r) de/
he(re)n vanden staten vanden goeden lande van brabant en(de)/
elde(r) als wile(n) de hee(r) va(n) humbercourt regent der lande/
van ludick ende van name(n) de voirs(creven) van sinte andr(ies) b(er)ge/
bedwinge(n) woude metten selve(n) van ludick oft va(n) name(n)/
inden lasten vanden voirleden(en) orlogen te cont(ri)bue(re)n sijn/
costen ende lasten in dien vanden selve(n) dorpe te hebbe(n)/
Want hij boodt te bewijsen dat hij d(aer)toe vande(n) selve(n)/
dorpe en(de) vanden notabelsten en(de) meesten deele was/
v(er)socht ende geordineert dwelck hem de voirs(creven)/
verweerd(er)s gheheelijck ontkinden Soe w(er)t ov(er)drage(n)/
bijden rade vander stat met vollen gevolge naeden/
thoen die de voirscr(even) aenlegge(r) leydde dat de selve
//
verweerde(re)n den voirs(creven) aenlegge(r) vanden voirs(creven) gevolcheniss(en)/ zijne redelijcke costen ter duegliker taxacien ghelden/ ende betalen souden Behalven sgheens des dier/ taxacien ende oick geschillen die voirde(r) uuyt dese(n)/ rijsen mochte(n) dat dat blijft op zijn beloop om/ geslicht te worde(n) ofts p(ar)tien niet en co(n)nen v(er)eenige(n)/ dair en(de) alsoe dat behoirt In consilio op(idi) ip(s)o/ vener(is) januar(ii) penultima
//
verweerde(re)n den voirs(creven) aenlegge(r) vanden voirs(creven) gevolcheniss(en)/ zijne redelijcke costen ter duegliker taxacien ghelden/ ende betalen souden Behalven sgheens des dier/ taxacien ende oick geschillen die voirde(r) uuyt dese(n)/ rijsen mochte(n) dat dat blijft op zijn beloop om/ geslicht te worde(n) ofts p(ar)tien niet en co(n)nen v(er)eenige(n)/ dair en(de) alsoe dat behoirt In consilio op(idi) ip(s)o/ vener(is) januar(ii) penultima
Nagekeken door: Karel Embrechts
Moderator: Karel Embrechts
Laatste update:: 2016-10-10 door kristiaan magnus