It(em) andries van bynckem wonen(de) te diest in p(rese)ncia heeft/ quijtgescouwe(n) janne de coninck wonen(de) te loven(en) mits/ den thien rijd(er)s die de selve coninck met consente svoirscr(even)/ andries geloeft heeft te geve(n) henr(icke) de snyde(re) sone wijlen/ pet(er)s wonen(de) toverhespen vanden x rijders eens die de/ selve coninck den voirscr(even) andr(ies) tande(re)n tijde(n) geloeft heeft/ voir scepen(en) va(n) diest en(de) voirt van allen costen en(de) lasten/ die de selve andries uuyt sake(n) van dien e(n)nichssins gehadt/ oft geleden heeft het zij voe(r) den rade m(ijns) gened(ichs) he(re)n salig(er)/ gedachte(n) te bruessel te diest oft elde(r) in wat manie(re)n dat
//
zij van al den welken p(ar)tien in submissien getrede(n) ware(n) en(de)/ hen verbonden hadden in duytsprake meest(er) jacops hujoel en(de)/ meest(er)s pet(er)s va(n) thielt dewelke mits dese(n) versmelte(n) sal/ en(de) te nyeute zijn Ende voirt va(n) allen ande(re)n sake(n) questie(n)/ eysschen en(de) gebreken d(aer) inne de selve coni(n)ck te he(m)w(er)t/ gehouden mach zijn usq(ue) in die(m) hod(iernam) Promitt(ens) null(atenus) alloq(ui)/ sed war(andizare) erga quoscu(m)q(ue) cor(am) opp(endorp) hanckart julii xxv