Cond zij allen lieden dat pet(er) traetsen sone wilen henr(ix)/ in p(rese)ncia heeft genome(n) ende bekint dat hij genome(n) heeft/ van ph(ilip)s vand(en) breyne als procur(eur) jans vand(en) breyne sijns/ brueders sonen wilen pet(er)s thoff desselfs jans vand(en) breyne/ gelege(n) te boensbeke voirscr(even) metten wynnen(de) landen beemde(n)/ en(de) eusselen dair toe behoe(re)nde omtrint den selven hove/ gelege(n) en(de) voirt alle dande(r) wynnen(de) lande en(de) beemde/ die de selve jan op den dach van heden te boensbeke voirs(creven)/ oft dair omtrint liggen(de) heeft Te houden te hebben/ ende te wynne(n) van halfmerte naestcomen(de) eene(n) t(er)mijn/ van drie ja(r)en lang vervolgen(de) elcx jairs d(air)enbynne(n)/ om ende voe(r) xxiii sacke(n) corens goet en(de) payabel met/ wanne ende vede(re)n wel bereyt d(er) maten van thiene(n)/ Te weten(e) sesse halste(re)n loeven(sch) voir elke(n) d(er) selver/ sacke(n) gerekent pacht van boensbeke voirs(creven) alle jare/ sint andriesmisse ap(oste)ls te betalen en(de) te loeven(e) dairt/ den voirs(creven) janne vand(en) breyne oft zijne(n) p(ro)cur(eur) gelieve(n) sal/ te leve(re)n quol(ibet) ass(ecutu)[m] Ende die voirs(creven) beemde en(de) eusselen
//
jaerlijcx om en(de) voe(r) neghe(n)entwintich licht gulden(en) te thien/ stuv(er)s tstuc alle ja(r)e s(in)[t] m(er)tensmisse te betalen den voirs(creven)/ ja(n)ne den voirs(creven) t(er)mijn due(re)nde quol(ibet) ass(ecutu)[m] It(em) selen de/ wynne(n) boven en(de) sond(er) afslach des voirscr(even) steet jaerlijcx/ betalen den heylige(n) gheest van boensbeke alsulcke(n) halster/ corens als uuten voirs(creven) goeden gaet soe in tijts dat de/ voirs(creven) jan en(de) zijn goede d(air) bij niet beschadicht en/ werde(n) It(em) is vorweerde dat de voirs(creven) wynne tot zijne(n)/ afscheyden de voirs(creven) goede laten sal alsoe hij die bevinde(n)/ sal sonder die te moege(n) ontaerden Te weten(e) omtrint een boend(er) lants opt vlaesvelt acht(er) boeslynte(r) It(em)/ omtrint twee dach(mael) in twee stucken gelege(n) opt selve/ velt It(em) dblock acht(er) de schue(re) ende i(½) dach(mael) lants/ opden cruysberch al met wyntercoren(e) wel ende loflijc/ besayt op vier getidege voren die stortte eens o(m)megedae(n)/ ende die brake geheel It(em) selen de voirs(creven) wynne(n) jaerlijcx/ binne(n) den voirs(creven) hove moeten leve(re)n hondert goeder costbarer/ walme(re)n om de huysinge(n) mede aldair te decken ende oft/ d(air) e(n)nige walme(re)n gebraken die selen [sal] de wynne(n) moeten halen op zijne(n) cost d(air) jan die besorcht sal hebbe(n) oft/ gecocht en(de) alsmen ald(air) decken sal oft plecken op oft/ aen e(n)nighe vanden huysinge(n) des voirs(creven) hoofs wie die/ besidt oft gebruyct d(air) af selen sal de wynne den/ wercliede(n) den montcost geve(n) en(de) jan de dachue(re)n betale(n)/ It(em) waert tsake dat aen eenich vand(en) huysinge(n) des/ voirs(creven) hoofs eenich werck behoefde gemaect te werde(n) het/ ware van ty(m)meringhen oft ande(r) werck dat d(air) aen/ gebrake tot vier dage(n) toe dair af sal oic de wynne/ den werclieden den montcost geve(n) en(de) jan de dachue(re)n/ It(em) sal de wynne allen den leem capstroo ende vorststroo/ leve(re)n int voirs(creven) hoff datmen dair verorbe(re)n sal en(de) voirt/ doen alle alsulcke corweyde(n) als jan aldair jaerlijcx and(er)ssins/ te doen sal hebben in proffite vand(en) hove oft int gene/ des de selve jan oft de zijne van zijne(n) wege(n) ald(air) int hoff
//
wesen(de) selen bege(re)n gedaen te hebben oft af oft aen gehaelt/ oft gevuert te worden It(em) sal de wynne alle de huysinghe/ svoirs(creven) hoofs houden moete(n) in goeden state vand(er) underster rijkele(n)/ nederweert op zijne(n) cost alsoe wel de ghene die jan te/ he(m)weert behoudt als dande(re) It(em) sal de voirs(creven) jan jaerlijcx/ moege(n) houden dwater opde(n) meybeemt tot halfmerte/ toe It(em) sal de voirs(creven) wynne alle de willige(n) opde voirscr(even)/ goede staen(de) moege(n) truncke(n) om de goede mede te bevrede(n)/ en(de) die verdroechde willige(n) afhouwe(n) tot zijne(n) behoef Bij/ alsoe dat hij voir elcke sette(n) sal twee leven(de) pote(n) vanden/ selve(n) aerde It(em) sal de voirscr(even) wynne hebben en(de) moege(n)/ afhouwe(n) en(de) te he(m)weert nemen ten behoirliken tide allet/ strunchout dat om oft aen de voirs(creven) wynnen(de) lande vallen sal/ It(em) sal de voirs(creven) wynne jaerlijcx alsoe vele wijngaert staken/ halen als de voirs(creven) jan op zijn wijng(ar)de te boensbeke/ behoeve(n) sal en(de) die aende en(de) die aen de selve(n) wijng(ar)de/ vue(re)n en(de) desgelijcx den wijn int voirs(creven) hoff en(de) ter perssen/ weert ten behoirlike(n) tide leve(re)n ende weder int voirs(creven)/ hof bringe(n) als dien geperst sal zijn en(de) dien voirt alst/ janne gelieve(n) sal te loeven(e) vue(re)n It(em) selen [sal] de voirs(creven)/ wynne(n) jaerlijcx alle de voirscr(even) lande zijne(n) t(er)mijn dueren(de)/ wynne(n) werve(n) ende mesten wel en(de) loflijc gelijck/ reengenote(n) boven en(de) beneden en(de) die laten te sijnen/ afsceyde(n) gelijc voirscr(even) steet En(de) waert tsake datse de/ voirs(creven) wynne eens hoervruchte dair voe(r) sal hij die/ eens wel en(de) loflijc overmesten mair ten lesten ja(r)e/ van zijne(n) voirs(creven) t(er)mijn en sal hij gheen lant moege(n)/ hoervruchte(n) It(em) sal de voirscr(even) wynne alle de bodemen/ ende ryolen der voirs(creven) goede wel en(de) loflijc veghen op/ zijne(n) cost It(em) sal de voirscr(even) wynne alle stroo vand(en)/ voirs(creven) goeden comen(de) int leste jaer des(er) pechtinghen/ aldaer te meste make(n) en(de) dat alsdan inde(n) mesthoff/ geheel laten ende hij en sal ten selve(n) zijne(n) leste(n)/ jae(r) en(de) afscheyden(e) gheen stroo mest noch lueck/ uute(n) voirs(creven) hove oft vand(en) voirs(creven) goede(n) moegen vueren
//
noch doen in gheend(er) wijs mair al tgene dat vand(en) selve(n)/ goeden in dien eenichssins comen sal ald(air) laten It(em) sal/ de voirs(creven) jan tsijne(n) behoef int voirs(creven) hof behouden de huysinghe/ gelijc jan wilen de pape zijn oem die gewoenlijc heeft/ geweest te behouden It(em) sal de voirs(creven) wynne den voirs(creven)/ janne op dleste jaer vand(en) voirs(creven) t(er)mijne goets tijts te/ vo(r)en moete(n) cundige(n) den tijt wa(n)neer hij de voirs(creven) lande/ bezayen sal willen en(de) alsdan sal de selve jan op dat/ he(m) gelieft ald(air) eene(n) zaye(r) van sijnd(er) hant moege(n) setten/ op des voirs(creven) wynne(n) cost It(em) sal de voirs(creven) wynne alle dooft/ ald(air) jaerlijcx wassen(de) moeten ter eerden leve(re)n behoirlijc op/ zijne(n) cost En(de) dat gedaen sal hij d(air)af deen helicht en(de)/ de voirs(creven) jan dande(r) helicht hebben en(de) desselfs jans helicht/ sal hij he(m) te loeven(e) moeten leve(re)n It(em) is vorweerde dat de/ voirs(creven) wynne alle ja(r)e sal moete(n) coopen hondert hoope stroes/ oft alsoe vele mest als hondert hoope stroos weert sulle(n) zijn/ d(air)af de voirs(creven) jan deen helicht en(de) de voirs(creven) wynne dander/ helicht betalen sullen Dwelc ten mesthove ald(air) en(de) voirt/ opde voirs(creven) lande nae dat tselve stroo te meste bekeert sal/ zijn bijden voirs(creven) wynne gevuert en(de) gedaen sal werde(n) gelijc/ den ande(re)n meste slants meeste(n) p(ro)ffite ende tselve mest/ oft stroo dat de voirscr(even) jan alsoe vercrige(n) sal sal de voirs(creven)/ wynne d(air) jan dat coopen oft vercrige(n) sal moeten halen en(de)/ vueren gelijc voirs(creven) steet It(em) allet duyve(n)mest vand(en)/ duyfhuysen ald(air) comen(de) sullen [sal] de wynne(n) opde voirs(creven) wijng(ar)de/ moeten jaerlijcx vueren ende nerge(re)ns els En(de) alle dese/ vorweerden (et)c(etera) cor(am) hanck(art) hove m(ar)cii s(e)c(un)da