Van seke(re)n questien stoote en(de) gescille(n) die sijn tussche(n) ja(n)nes de rivo als p(ro)cur(eur)/ des godsh(uys) van eeywires ter eenre en(de) colarde chappon ter ande(r) zijde(n) van/ seke(re)n goede(n) des voirs(creven) godsh(uys) geleg(en) te eeuwieres die welcke de voirs(creven) colart/ houden(de) is geheete(n) neufcourt d(aer)af m(ijn) vr(ouwe) beg(er)t caucie en(de) borchtocht en(de)/ des dien ter eenre oft ter ande(r) zijde(n) aencleeft in e(n)nig(er) manie(re)n hebben/ hen de voirs(creven) p(ar)tien gesubmitteert en(de) verbonde(n) in segge(re)n en(de) vriendelike/ yffene(re)n Te weten(e) de voirs(creven) p(ro)cur(eur) in ja(n)ne francken en(de) pirarde de/ s(in)[t] pol en(de) de voirs(creven) collart in jaspare(n) chappon sijne(n) brued(er) en(de) symoen(e)/ amandial in sulcker vuege(n) dat de segg(er)s neme(n) sulle(n) infor(ma)cie vand(en)/ ghene(n) die wae(re)n over de vorweerde ende meni(n)ge vand(er) pechtinge(n) der/ goede(n) voirs(creven) die collart tege(n) m(ijn) vr(ouwe) dede en(de) p(ar)tie(n) veraccorde(re)n op dat sijs eens/ zijn binne(n) acht dage(n) naestcomen(de) ende inde(n) gevalle zij des niet en veraccordeerde(n)/ dat dan p(ar)tie(n) gescille(n) met des d(aer)af vand(en) getuge(n) wae(r) bevonde(n) gestelt soude worde(n)/ in gesc(ri)fte en(de) d(aer)af soude(n) zij hale(n) i vo(n)nisse van scep(enen) van loev(en) om den wijn binne(n) viii dage(n)/ d(aer)nae P(ro)mitt(entes) rat(um) en(de) oft e(n)nig(er) p(ar)tie(n) segge(r) gebrake ande(r) te moege(n) neme(n)/ cor(am) linde(n) hanck(art) maii xxiii