It(em) jehan de hermiez ende maroie sijn wijf wettige docht(er) hee(re)n/ jans ambresas priesters cano(n)nicx van tonge(re)n in p(rese)ncia hebben/ geapprobeert gelaudert geconfirmeert en(de) gelooft voir goet/ gestentich en(de) van weerde(n) te houde(n) tot ewige(n) dage(n) voir/ hen hue(re)n erve(n) en(de) nacomelinge(n) janne brombaix van longeville/ en(de) sijne(n) nacomelinge(n) alsulcken saisine en(de) uutwinni(n)gen alse de/ selve jan brombaix a(nn)[o] xiiii[c] lxix xxix in meye april dede/ met meye(r) ende scepen(en) van bouler le desoutrain voir i mudde/ cor(en) loeven(sch) erflijc van i stuck soe lants soe bosch gelege(n) te/ cokir neve(n) beloit en(de) van alsulcker macht en(de) virtuyt recht/ oft d(aer) af de behoirlike conde wae(re) geschiet aen de p(ro)pre p(er)sone(n)/ d(er) selver gehuyssche(n) Geloven(de) voirt vand(er) selv(er) uutwinni(n)gen/ en(de) saisinen ende oic vand(en) goede(n) voirs(creven) den voirs(creven) ja(n)ne/ brombaix genoech te doen(e) ende d(aer)af recht warant te sijne/ en(de) te bliven tot ewige(n) dage(n) dat die saisine van weerden/ sijn en(de) blive(n) sal om en(de) voe(r) een so(m)me van xxiii pet(er)s die zij/ d(aer)af bekinne(n) vand(en) selve(n) in gereede(n) pe(n)ninge ontfange(n) te/ hebbe(n) cor(am) eisd(em)