SAL7372, Akte: R°100.3-V°100.1 (249 van 840)
Zoek akte
Vorige | Volgende
Akte R°100.3-V°100.1  
Act
Datum: 1478-10-10

Transcriptie

2018-11-11 door xavier delacourt
Nae dien dat digne merx weerdy(n)ne wout(er)s crauwels met/
drie behoirlijcke rasteme(n)ten gevolcht heeft op zeke(re) haeflike/
goede wesen(de) in hande(n) jans va(n) eyke steenhouwers toebehoiren(de)/
romboute zijne(n) behuwede(n) zone voir zeke(re) schult die huer de/
selve sculdich was es en(de) in rechte come(n) es v(er)sueken(de) trecht/
zoe v(er)re dat gielijs va(n) duffle va(n) wiens wege(n) dair te vo(r)en/
die ware(n) beco(m)mert voe(r) zeke(re) huyshue(re) in rechte come(n) es meynen(de)/
voir te gane want zijn schult wae(r) va(n) huyshue(re)n p(rese)nte(re)nde zij(n)/
schult met rechte te ve(r)ifice(re)n en(de) die dairaen te v(er)halen/
Soe es uuyt(er)lijck de voirscr(even) gielijs nae dat h(ier)af genoech geblek(en)/
es gewijst t(er) ve(r)ificacie(n) van zijnder schult die dee gedaen heeft/
op zesse pet(er)s te xix stuv(er)s tstuck bat meer dan mijn zonder/
de costen inder sake(n) gelope(n) d(air)voe(r) hem de voirs(creven) goede ae(n)gewese(n)/
werde(n) genoech bij consente d(er) voirs(creven) digne(n) om zijn scult dairae(n)/
te neme(n) en(de) aen dov(er)bate va(n) dien en(de) elder dair zij dat
//
bevi(n)den soude(n) moege(n) hue(r) gebreken te moeghe(n) v(er)reycken Nade(n)/
welken de voirscr(even) digne bij scepen(en) vo(n)nisse hue(r) rasteme(n)te(n)/
gedoceert heeft met janne trouwa(n)t vorste(r) en(de) hue(re)n eedt/
gedae(n) heeft va(n) hue(re)n gebreke(n) op xi r(ynsch) gul(den) tstuck te xxst(en)/
tstuck myn i(½) st(uver) zonder de coste(n) inder sake(n) gelope(n) Alsoe/
dat uuyterlijck scepen(en) va(n) loven(en) t(er) manisse(n) smeyers nae/
dat hen gebleke(n) heeft vander mechtich(eit) die wout(er) crauwels/
der voirs(creven) digne(n) man en(de) mo(m)boir hue(r) h(ier)inne heeft geg(even)/
gewese(n) hebbe(n) met vo(n)nisse dat de selve digne hue(r) schult/
op doverbate vand(en) voirs(creven) goede(n) soude moege(n) v(er)halen/
en(de) die d(air)voe(r) exeque(re)n Bij alsoe oft d(air) ov(er)de dat zijt/
restitue(re)n soude en(de) ofter gebrake dat zij soude moege(n) voirvare(n)/
met rechte In scampno cor(am) roelants langrode tybe willem(aer)/
oct(obris) x
Nagekeken doorAgata Dierick , Greet Stevens
ModeratorGreet Stevens
Laatste update:: 2016-09-14 door Xavier Delacourt