Want henr(ic) hanckaert secretar(is) als geleyt nae des(er) stad/ recht voir zijn wettich gebreck va(n) drie rijd(er)s lijftochte(n) uut/ crachte van scepen(en) brieve(n) van loeven(en) tot allen den goeden/ have ende erve lauwereys vand(en) broecke soe wair die gelegen/ zijn met des(er) stad brieve(n) gescr(even) aen den meye(r) van hoelede/ hem oft den bring(er) ons(er) voirs(creven) brieve(n) in zijnen name heeft/ doen leve(re)n alle de selve goede en(de) den voirs(creven) lauwer(eyse) dach/ van rechte doen besceyden oft hij hem tege(n) de voirs(creven) execucie/ hadden wille(n) oppone(re)n Tot welcke(n) dage noch oic op heden/ als ten verstreken(en) dage van rechte de voirs(creven) lauwer(eys) noch/ niemant anders van sijne(n) wege(n) comen en is hem rechtsweert/ maken(de) willem(me) van lele als p(ro)cur(ator) des voirs(creven) henr(ix) trecht/ voirt versueken(de) Soe hebben de hee(re)n scepen(en) van loeven(en) ter/ manissen smeyers gewesen voir een vo(n)nisse nae dat hen behoirlijc/ gebleken heeft bij rapporte henr(ix) vand(en) zijpe des(er) stad bode de/ voirs(creven) execucie en(de) dachbesceydinge geschiet te zijne dat men/ den voirs(creven) geleydde(n) houden soude inde possessie der voirs(creven) goede(n)/ soe verre het noch voir scepen(en) comen is cor(am) scab(inis) in sca(m)p(n)[o]/ octobr(is) xxiiii